Mẹmẹyọnnu lẹ nọ yí adà daho de wà to azọ́n Ahọluduta lọ tọn mẹ. (Slm 68:11) Yewlẹ wẹ nọ deanana susu to plọnmẹ Biblu lẹ mẹ bọ sọha yetọn yiaga taun to mẹhe yin gbehosọnalitọ whepoponu tọn lẹ mẹ. Fọtọ́n susu to yé mẹ wẹ nọ wazọ́n sinsinyẹn bo to sinsẹ̀n to Bẹtẹli, taidi mẹdehlan, họ̀gbátọ mẹdezejotọ kavi devizọnwatọ họ̀gbátọ podọ taidi lẹdogbedevomẹtọ. Mẹmẹyọnnu he whèwhín lẹ nọ jlọ whẹndo po agun yetọn lẹ po dote. (Hwh 14:1) Nugbo wẹ dọ mẹmẹyọnnu lẹ ma gán sẹ̀n taidi mẹho kavi devizọnwatọ lizọnyizọnwiwa tọn, amọ́ yé gán ze yanwle gbigbọmẹ tọn lẹ donukọnna yede. Eyin mẹmẹyọnnu de wẹ a yin, etẹwẹ yin yanwle delẹ he kọ̀n a gán jẹ?

• Nado wleawuna jẹhẹnu gbigbọmẹ tọn lẹ.—1Ti 3:11; 1Pi 3:3-6

• Nado gọalọna mẹmẹyọnnu he ma do numimọ sọmọ to agun mẹ lẹ.—Tit 2:3-5

• Nado hẹn lizọnyizọn towe pọnte bosọ wà susu dogọ to lizọnyizọn lọ mẹ

• Nado plọn ogbè yọyọ de

• Nado sẹtẹn yì fie nuhudo sù te

• Nado doalọwemẹ nado wazọ́n to Bẹtẹli kavi nado gọalọ to nọtẹn yẹwhehọluduta tọn lẹ gbigbá mẹ

• Nado doalọwemẹ nado yì Wehọmẹ Wẹndagbe-Jlatọ Ahọluduta lọ Tọn lẹ Tọn

PỌ́N VIDEO LỌ ‘YỌNNU HE TO AZỌ́N SINSINYẸN WÀ TO OKLUNỌ MẸ LẸ,’ ENẸGODO NA GBLỌNDO NA KANBIỌ EHE:

• Nawẹ zẹẹmẹ mẹmẹyọnnu lọ lẹ dopodopo tọn na we tuli gbọn?