Sọn hohowhenu gbọ́n, omẹ Jehovah tọn lẹ nọ wà onú jiawu delẹ po alọgọ etọn po, e ma yin gbọn huhlọn yetọn titi gblamẹ. To 1954, titobasinanu Jehovah tọn de video de tọ́n. Hosọ etọn wẹ La Société du Monde Nouveau en action. Mẹhe nọ wazọ́n to Bẹtẹli lẹ wẹ gọalọ hugan nado wleawuna video ehe dile etlẹ yindọ yé ma yọ́n nudepope to video bibasi mẹ. Azọ́n lọ kàn dẹpẹ biọ, amọ́ gbigbọ wiwe Jehovah tọn wẹ gọalọ nado wà azọ́n lọ dotana. Ehe nọ na mí jidide dọ eyin mí nọ ganjẹ Jehovah go, e na gọalọna mí nado hẹn azọ́ndenamẹ depope di.—Zek 4:6.

PỌ́N VIDEO LỌ AWUWIWLENA VIDEO LỌ “LA SOCIÉTÉ DU MONDE NOUVEAU EN ACTION,” ENẸGODO NA GBLỌNDO NA KANBIỌ HE BỌDEGO LẸ:

• Naegbọn nudide yin bibasi nado de video de tọ́n gando tatọ́-tẹnnọ mítọn go?

• Nawẹ video lọ dohia gbọn dọ mẹhe nọ wazọ́n to Bẹtẹli lẹ taidi agbasa blebu de?—1Kọ 12:14-20

• Nuhahun tẹlẹ wẹ mẹmẹsunnu lẹ pehẹ to whenue yé to video lọ basi, podọ nawẹ yé duto nuhahun lọ lẹ ji gbọn?

• Etẹwẹ numimọ ehe dohia gando gbigbọ wiwe Jehovah tọn go?