“Na Ahọludu Towe Ni Wá”—Odẹ̀ He Mẹsusu Nọ Hò
Be a ko hodẹ̀ pọ́n dọ Ahọluduta Jiwheyẹwhe tọn ni wá ya? Sọn owhe susu die wẹ mẹlẹ nọ hodẹ̀ dọ “Na ahọludu towe ni wá.” Naegbọn yé do nọ hodẹ̀ enẹ? Na Jesu wẹ dọna devi etọn lẹ dọ yé ni nọ hodẹ̀ dọ Ahọluduta Jiwheyẹwhe tọn ni wá.
To ojlẹ Jesu tọn mẹ, devi etọn lẹ ma yọ́n nulẹpo gando Ahọluduta lọ go. Yé tlẹ kanse e to gbèdopo dọ: “Oklunọ, be hiẹ na gọ̀ ahọluduta jo na Islaeli to ojlẹ ehe mẹ lo ya?” Gblọndo Jesu tọn sọgan ko paṣa yé, na e ma dọ whenue Ahọluduta lọ na wá na yé tlọlọ. (Owalọ lẹ 1:6, 7) Amọ́, be enẹ zẹẹmẹdo dọ mí ma gán yọ́n nuhe Ahọluduta Jiwheyẹwhe tọn yin po whenue e na wá po wẹ ya? Paali!
Atọ̀họ̀-Nuhihọ́ lọ Tọn ehe na gọalọna we nado mọ gblọndo na kanbiọ he bọdego lẹ:
Naegbọn Ahọluduta Jiwheyẹwhe tọn dona wá?
Mẹnu wẹ yin Ahọlu Ahọluduta lọ tọn?
Whetẹnu wẹ Ahọluduta lọ na dugán do aigba ji?
Dagbe tẹwẹ Ahọluduta Jiwheyẹwhe tọn na wà?
Naegbọn mí dona nọgodona Ahọluduta lọ bẹsọn din?
Etẹwẹ Ahọluduta Jiwheyẹwhe tọn yin?
A Gán Sọ Pọ́n Hosọ Ehelẹ
NUPLỌNMẸ TANGAN BIBLU TỌN LẸ
Etẹwẹ Ahọluduta Jiwheyẹwhe Tọn Yin?
Ahọluduta Jiwheyẹwhe tọn ji wẹ Jesu dọhodo hugan to lizọnyizọn etọn whenu. Na owhe susu lẹ, hodotọ etọn lẹ nọ hodẹ̀ dọ Ahọluduta enẹ ni wá.
GBLỌNDO NA KANBIỌ SINAI DO BIBLU JI LẸ
Lehe Mí Na Nọ Hodẹ̀ Do—Be Odẹ̀ Oklunọ Tọn lọ Janwẹ Mí Dona Nọ Hò Ya?
Be odẹ̀ Otọ́ Mítọn tọn lọ wẹ yin odẹ̀ dopo gee he Jiwheyẹwhe nọ kẹalọyi ya?
