FỌ́N! Sọha 2 2018 | Onú 12 He Nọ Hẹn Ayajẹ Wá Whẹndo Mẹ
Onú 12 He Nọ Hẹn Ayajẹ Wá Whẹndo Mẹ
Mí nọ sè nususu he nọ zọ́n bọ whẹndo delẹ ma nọ do ayajẹ. Amọ́, etẹlẹ wẹ nọ zọ́n bọ whẹndo delẹ nọ do ayajẹ?
To 1990 po 2015 po gblamẹ, gbẹdai jideji whla awe to États-Unis to mẹhe ko tindo owhe 50 linlán lẹ ṣẹnṣẹn podọ whla atọ̀n to mẹhe ko tindo owhe 65 linlán lẹ ṣẹnṣẹn.
Mẹjitọ lẹ ko biọ bẹwlu mẹ: Na weyọnẹntọ delẹ ko dọ dọ pipà kẹdẹ wẹ dona nọ yin nina ovi lẹ, bọ devo lẹ dọ dọ yè ni hẹn ovi lẹ po alọ sinsinyẹn po.
Ovi lẹ nọ whẹ́n bo ma nọ mọ azọ́nplọnmẹ depope yí nado zan gbẹzan dagbe.
Amọ́, nugbo lọ wẹ yindọ . . .
Asu po asi po lẹ sọgan do ayajẹ bo nọpọ́ kakadoi.
Mẹjitọ lẹ gán plọn nado nọ yí owanyi do wọhẹ ovi yetọn lẹ.
Ovi lẹ gán mọ azọ́nplọnmẹ he sin hudo yé do yí whẹpo do whẹ́n.
Gbọnna? Linlinwe ehe na dọhodo onú 12 he nọ hẹn ayajẹ wá whẹndo mẹ delẹ ji.
1: Nugbonọ-Yinyin
Ayinamẹ dagbe atọ̀n delẹ he sọgan gọalọna alọwlemẹ lẹ nado gbọṣi pọ́.
2: Azọ́nwadopọ
Be mì nọ dọ́ ohọ̀ dopolọ mẹ ṣo bo ma nọ mọ mìde di alọwlemẹ wẹ ya?
3: Sisi
Yọ́n ohó po nuyiwa delẹ po he na nọ zọ́n bọ awetọ towe na nọ mọdọ a tindo sisi na emi.
4: Jonamẹ
Etẹwẹ gán gọalọna we nado nọ miọnnukundo awugbopo alọwlemẹ towe tọn lẹ?
5: Hodọdopọ
Onú atọ̀n delẹ he na gọalọna we nado dọnsẹpọ ovi towe lẹ dogọ.
6: Mẹplọnlọ
Be mẹplọnlọ nọ de yẹyi sọn ovi lẹ go wẹ ya?
7: Nujinọtedo Lẹ
Nujinọtedo tẹlẹ wẹ a dona plọn ovi towe lẹ?
8: Apajlẹ
Eyin a jlo dọ ohó towe lẹ ni nọ yinuwado ovi towe lẹ ji, a ma dona nọ dọ vò bo wà vò.
9: Mẹhe Nkọ A Yin
Nawẹ jọja lẹ sọgan yiavùnlọna nuyise yetọn lẹ gbọn?
10: Nugbodidọ
Eyin a jlo dọ mẹjitọ towe lẹ ni nọ mọ we di mẹhe ko whẹ́n, a dona tẹnpọn bọ yé na nọ dejido gowe whẹ́.
11: Azọ́n Sinsinyẹn Wiwà
Eyin a plọn nado nọ wazọ́n sinsinyẹn to jọja whenu, enẹ na gọalọna we nado tindo kọdetọn dagbe to gbẹ̀mẹ.
12: Yanwle Lẹ
Yanwle towe lẹ kọ̀n jijẹ gán hẹn we deji dogọ, họntọn towe lẹ na nọ dejido gowe, bọ ayajẹ towe na sudeji.
Alọgọ Devo lẹ Na Whẹndo Lẹ
Ayinamẹ Biblu tọn lẹ gán gọalọna we nado tindo ayajẹ to alọwle mẹ podọ to whẹndo mẹ.
