Lehe Hiẹ Sọgan Nọavùnte Sọta Whlepọn Do
Na Jọja Lẹ
Lehe Hiẹ Sọgan Nọavùnte Sọta Whlepọn Do
JOSẸFU—ADÀ 1
Anademẹ he na yin hihodo: Wà ehe to lẹdo he ma tindo ayihafẹsẹnamẹnu depope mẹ. Dile hiẹ to wefọ lọ lẹ hia, pọ́n dewe hlan taidi mẹhe to mahẹ tindo to nujijọ lọ mẹ. Yí nukun homẹ tọn do pọ́n nujijọ lọ. Sè ogbè mẹhe to hodọ lẹ tọn. Tindo numọtolanmẹ dopolọ hẹ mẹhe tin to nujijọ lọ mẹ lẹ. Pọ́n nujijọ lọ lẹ taidi nuhe to jijọ to alọnu.
Mẹhe yin tọ́ntlọ́ngbọ́n to nujijọ lọ mẹ lẹ: Josẹfu, asi Pọtifali tọn
Bladopọ: Josẹfu nọavùnte sọta whlepọn lọ nado tindo kọndopọ zanhẹmẹ tọn hẹ asi Pọtifali tọn.
1 GBADOPỌNNA NUJIJỌ LỌ.—HIA GẸNẸSISI 39:1-12.
Lẹnnupọn bo dọ lehe owhé Pọtifali tọn na ko klo bo yọ́npọ́n do sọ.
․․․․․
Nawẹ a lẹndọ awusọhia Josẹfu tọn na ko te? (Alọgọ: Vọ́ wefọ 6tọ hia.)
․․․․․
Numọtolanmẹ tẹ go wẹ hiẹ doayi to ogbè Josẹfu tọn mẹ dile e to hodọna asi Pọtifali tọn to wefọ 8 po 9 po mẹ?
․․․․․
2 DINDONANU DOGỌ.
Etẹwẹ sọgan whlé Josẹfu pọ́n nado hẹn walọ dagbe etọn gble? (Alọgọ: Hia Filippinu lẹ 2:12, bo lẹnnupọndo ninọmẹ Josẹfu tọn ji. Di apajlẹ, to ojlẹ lọ mẹ, fie wẹ hagbẹ whẹndo Josẹfu tọn lẹ po sinsẹ̀n-basitọ Jehovah tọn hatọ etọn lẹ po na ko te?)
․․․․․
Na hiẹ tọn, naegbọn Josẹfu do tindo numọtolanmẹ dọ ayọdide yin ylando de sọta Jiwheyẹwhe to whenuena e yindọ to ojlẹ lọ mẹ, Jiwheyẹwhe ma ko do osẹ́n depope gando ayọdide go? (Alọgọ: Hia bo lẹnnupọndo wefọ he bọdego ehelẹ ji: Gẹnẹsisi 2:24; 12:17, 18; Lomunu lẹ 2:14, 15 po Heblu lẹ 5:14 po.)
․․․․․
3 YÍ NUHE A PLỌN LẸ ZAN. KÀN NUHE A PLỌN LẸ DAI GANDO NUHE BỌDEGO EHELẸ GO:
Kanṣiṣa he tin to mawazẹjlẹgo po yẹyi po ṣẹnṣẹn.
․․․․․
Ale he mẹhe tẹdo nujinọtedo walọ dagbe tọn Jiwheyẹwhe tọn go lẹ nọ mọyi lẹ.
․․․․․
Nuhewutu hiẹ dona plọn “huhlọn wuntuntun tọn” towe. (Heblu lẹ 5:14)
․․․․․
NUPLỌNMẸ DEVO.
Adà gbẹzan tọn tẹ (kavi tẹlẹ) mẹ wẹ hiẹ sọgan hẹn gbemima towe sinyẹn dogọ te nado sọgan nọavùnte sọta whlepọn zanhẹmẹ tọn? (Alọgọ: Hia bo lẹnnupọndo Job 31:1; Psalm 119:37 po Efesunu lẹ 5:3, 4 po ji.)
․․․․․
4 ETẸWẸ FỌNJLODOTENA WE HUGAN TO KANDAI EHE MẸ, PODỌ ETẸWUTU?
․․․․․
Eyin hiẹ ma tindo Biblu, biọ to Kunnudetọ Jehovah tọn lẹ si, kavi hia ẹ to ogbè he a jẹakọ hẹ de mẹ to internet ji to www.watchtower.org
