Mọyi:

• Po Ohia Ohàn Tọn lẹ Po

1. 1. Pọ́n yé ze ’kọ̀ daga

   Na yé nọ dibusi Jah.

   Yé sọ yọ́n pinpẹn nutọn

   Na owanyi daho Etọn.

   Yé ni lá ’yín t’we pé,

   Todido Họl’du tọn pé.

   A hlá ohó t’we na mí.

   ’Hó nugbo t’we nọ deanana mí.

   Yé yiwanna we taun.

   Yé sọ jaya na yé vánkan.

   A nagbè yé nado hlá ’Hó t’we,

   Na mí nido yọ́n linlẹn t’we.

   (HÀNGBÈPLI)

   Ohó t’we na tin tẹgbẹ,

   Linlẹn t’we lẹ sọ siso.

   Todido he t’e mẹ nọ miọnhomẹnamẹ,

   Ohó t’we lẹ go yẹn na tẹdo.

2. 2. Oo, nudepope kẹntọ lẹ wà,

   Yé ma gán do we ’te.

   Họntọn t’we lẹ hẹn ’Hó t’we go

   Bo hẹn yise, tenọgli go.

   Whenue mẹlẹ jẹagọdo Biblu,

   Yé yiavùnlọn’ẹn jẹ okú.

   Yise yetọn lodo, ’dọgbo yetọn wutu,

   ’Hó t’we dopo tata ma bu.

   (HÀNGBÈPLI)

   N’dọ Ohó t’we na tin tẹgbẹ,

   Linlẹn t’we lẹ sọ siso.

   Todido he t’e mẹ nọ miọnhomẹnamẹ,

   Ohó t’we lẹ go yẹn na tẹdo.

3. 3. A sọ dọ yinkọ t’we wẹ Jehovah.

   Ohó t’we sọ hẹn’ẹn họnwun.

   E na hẹnai tẹgbẹ,

   ’Hó t’we lẹpo na ṣẹ,

   Mí na pà we whepoponu.

   (HÀNGBÈPLI)

   N’dọ ’Hó t’we na tin tẹgbẹ,

   Linlẹn t’we lẹ sọ siso.

   Todido he t’e mẹ nọ miọnhomẹnamẹ,

   Ohó t’we lẹ go yẹn na tẹdo,

   Whepoponu.