Gọalọna hosetọ towe lẹ nado gbeje yede pọ́n. Kàn kanbiọ mẹhẹnlẹnnupọn tọn lẹ sè nado gọalọna mẹplidopọ towe lẹ nado gbeje numọtolanmẹ yetọn titi lẹ pọ́n.

Fọ́n mẹwhinwhàn dagbe dote. Dotuhomẹna hosetọ towe lẹ nado dindona nuhewutu yé do nọ wà nuhe sọgbe lẹ. Gọalọna yé nado wleawuna mẹwhinwhàn dagbe hugan lẹ—enẹ wẹ owanyi na Jehovah, na hatọ yetọn lẹ podọ na nuplọnmẹ Biblu tọn lẹ. Hẹn mẹplidopọ towe lẹ lẹnnupọn; ma hia osẹ́n na yé poun blo. Kakati nado dowinyan yé, dike yé ni mọ tuli yí to vivọnu nuzedonukọnnamẹ towe tọn bo yin whinwhàn nado wà nuhe go yé pé lẹpo.

Dọ̀n ayidonugo wá Jehovah ji. Zinnudo lehe nuplọnmẹ, nunọwhinnusẹ́n gọna gbedide he to Biblu mẹ lẹ do jẹhẹnu Jiwheyẹwhe tọn lẹ po owanyi etọn po hia do ji. Whàn hosetọ towe lẹ nado nọ hò numọtolanmẹ Jehovah tọn lẹ pọ́n bo nọ hẹn homẹ etọn hùn.