Mi BANGIMA 02
Biibili ñoaniani puuni mi suginma
Li ŋandunli nni, bi niba moa leni yaa paka n kpendi leni bipo i yanbani, li pabiili leni fala. Naani yi kpa ba laa paka buolu bi? Li fidi ke li tie u yianu bi yi nilo kaayema po n teni ke yi laadi fala. Yi yen buali yi ba: naani mi yema baa ti mangi dayenli bi? Biibili lebidi laa buali ke li puuni mi yanduanma.
1. Lede ke Biibili ñoaniani puuni mi suginma?
Biibili wangi yaala n cedi ke li ŋandunli biagi nante, ama o go wangi ke a paka kuli baa bodi ne leni waamu. Biibili ñoaniani baa fidi ki “pa yi yin sugini yaala, ke li baa fuoni yi saala po” (Cogi mani Jeremi 29:11, 12). Laa ñoaniani todi ti ke ti moa leni ti paka dinli dinla, ke ti pia li yantiaŋanli ki go ye leni li pamanli.
2. Biibili wangi ke mi yema baa tua lede saala po?
Biibili wangi ke ne leni waamu “mi kuuma kan go yaa ye, li paboanli, a bubula leni mi funfunma moko kan go yaa ye” (Cogi mani Mi Doagidima 21:4). Yaa paka n teni ke bi nitianba ki go pia mi suginma nani mi luoma, a tuongunda, i yiani leni mi kuuma—kan go yaa ye. Biibili niani ke bi nisaaliba baa ba ki yaa ye leni li pamanli o yogunu kuli ŋanlijani nni, ki tinga po.
3. Bee n baa todi ti, tin paa i moamoani ke Biibili ñoaniani kuli baa kua cain?
Bi niba boncianla sugini mi yemmanma, ama baa tama ke ban sugini yaala kuli baa kua cain. Biibili n li niani yaala wani, baa kua cain. Ti yaa “lingi daali kuli i diani nni” ti baa paa i moamoani leni Biibili n tua yaala kuli (Jesu Tondiba Tuona 17:11). Yi Biibili bangima baa todi yi, yin bandi, yi yaa baa fidi ki daani Biibili n niani yaala saala po.
LIINI MANI KI PUGINI
Diidi mani mi yema n baa tua maanma, Biibili ñoaniani yaa ti kua cain. Yi baa laa Biibili ñoaniani n puuni yaa suginma n todi bi niba maanma dinli dinla.
4. Biibili niani ke ti baa ba yaa yema n kan gbeni ke tagili bakuli ki ye
Diidi mani yaa ñoaniani n ye Biibili nni. Lilee ke yi faadi ki cie, ama beepo?
Cogi mani yaa velseenba n ŋoa i ñoaniani yeni ki go boe yaa buali n tie nna po:
-
Laa velseenba puuni bee suginma? Naani yi tama ke laa suginma baa fidi ki todi yi diegu niba leni yi danlinba bi?
Tia mani ki le, yin baa ti yaa ye li ŋandunli nni ke
|
O BA KULI . . . |
BI NIBA KULI . . . |
|---|---|
|
|
|
|
|
|
|
|
|
|
5. Yaa suginma n ye Biibili nni, baa todi ti, tin nua mi yema maanma n lebidi
Bi niba boncianla yaa nua a paka n yabi li ŋandunli nni maanma, bi gbanu yen yoaligi ke bi go ye leni li paboanli. Bi nitianba moa ban paama maanma kuli o lebidu n tieni. Diidi mani Biibili n niani ke bonli kuli baa lebidi yeni, n todi bi niba maanma dinli dinla. Diidi mani VIDEO yeni, ki go boe yaa buali n tie nna po.
-
Video niinni bee n den coagindi Rafika?
-
Baa wan den nua ke a tuongunda yeni ki gbendi, lede ke Biibili todi o?
Biibili n puuni yaa suginma saala po yeni baa fidi ki paa ti li papaali, tin moa leni ti paka. Cogi mani Mi Kpanjama 17:22 leni Loma Yaaba 12:12, ki go boe yaa buali n tie nna po:
-
Naani yi tama ke Biibili n puuni yaa suginma baa fidi ki ŋanbi yi yema dinli dinla bi? Beepo?
NITIANBA N TUA YAALA: “Biibili n niani yaala tadi ki ŋani ki fidi ki yaa tie i moamoani.”
-
Yi moo po beepo ke li pia ti ñoadi yin liini ki bandi Biibili n tua yaala yaa tie i moamoani?
MI MAKUBIKAAMA
Biibili niani ke saala po ti baa yaa ye leni li pamanli ke laa sugima todi ti, ke ti moa leni ti paka.
Mi goaleema
-
Beepo ke bi niba bua mi suginma?
-
Biibili niani bee saala po?
-
Biibili n puuni yaa suginma saala po todi ti lede moala po?
ŊAN PUGINI A BANMA
Diidi mani mi sungima n puuni yaa paalu.
Diidi mani mi suginma saala po n todi maanma yaaba n yia i yianbiadi.
“Vivre avec une maladie chronique—la bible est-elle utile?” (article JW.ORG)
Yi yaa diidi yaa video n taani leni bu yanbu, tia mani ki le yinba leni yi diegu niba n baa yaa ye leni li pamanli yaa ŋanlijana ke Biibili niani yeni niinni.
Cogi mani jayendo labaalo. Wan bandi Biibili n puuni yaa suginma, o yema lebidi.
