21 GA YUNI, 2017
RASHA
Bidiyon da Ya Nuna Yadda Hukumomin Rasha Suka Kai Hari a Wurin Taron Shaidun Jehobah
NEW YORK—An nuna wani bidiyo kwanan nan a talabijin na glavny.tv, inda ’yan watsa labaru a Central Federal District of Russia sun nuna yadda wasu ’yan sandan Rasha dauke da makamai, da kuma hukumar Federal Security Service (FSB) suka kai hari wa Shaidun Jehobah a wurin taronsu a Oryol da ke Rasha a ranar 25 ga Mayu, 2017.
Hukumomin Rasha sun kai wa Shaidun Jehobah hari a wurin taron ibada da suke yi a ranar 25 ga Mayu, 2017 a Oryol da ke Rasha.
An nuna wani dan Denmark mai suna Dennis Christensen a bidiyon yana tattaunawa da hukumomin cikin kwanciyar hankali. Hukumar ta kama shi lokacin da suka kai harin kuma har yanzu yana tsare.
Dennis Christensen, wani dan Denmark kuma dattijo ne a ikilisiyar Shaidun Jehobah yana tattaunawa da hukumomin. Hukumar FSB ta tsare shi tun ranar 25 ga Mayu, 2017.
David A. Semonian, kakakin Shaidun Jehobah a hedkwatarsu ya ce: “Wannan bidiyon ya nuna halin lumana da Shaidun Jehobah suke da shi duk da cewa hukumomin sun yi barazana da kuma tsoratar da su don su katse nazarin Littafi Mai Tsarki da suke yi. Ba za a daina wannan cin mutuncin ba har sai Kotun Kolin Rasha ya canja hukuncin da ya yanke game da Shaidun Jehobah. Mun damu kwarai game da yanayin da dan’uwanmu Dennis Christensen yake ciki, domin hukumar ta ki a ziyarce shi ko ma ya amsa waya daga matarsa. Muna fatan cewa za a sake shi nan ba da dadewa ba.”
Inda Aka Samo Labarin:David A. Semonian, Office of Public Information, +1-845-524-3000
Mai Yiwuwa Za Ka Kuma So
SABABBIN LABARAI
Bidiyon da Ya Nuna Yadda Hukumomin Rasha Suka Kai Hari A Wurin Taron Shaidun Jehobah
A ranar 25 ga Mayu 2017, ‘yan sanda dauke da makamai tare da Federal Security Service (FSB) sun kai hari a wurin taron Shaidun Jehobah a Oryol, Rasha.
SABABBIN LABARAI
An Kama Wani Mashaidi Dan Denmark a Rasha Sa’ad da ’Yan Sanda Suka Kai Hari a Wajen Ibada
Shaidun Jehobah a Rasha na shan azabar wariyar addini a wurin gwamnatin Rasha da kuma ’yan ta’adda.
SABABBIN LABARAI
Hukuncin da Kotun Kolin Rasha Ta Yanke wa Shaidun Jehobah Ya Sa Ana Take Hakkinsu
Wannan hukuncin ya sa Shaidun Jehobah sun rasa darajarsu kuma ya ba wa mutane da kuma ma’aikatan gwamnati karfin gwiwar kara tozarta su, kamar yadda kuka ganin a abubuwan da suka faru kwana-kwanan nan.
SABABBIN LABARAI
Kotun Kolin Rasha Ta Hana Shaidun Jehobah Yin Ayyukan Ibadarsu
Shaidun Jehobah za su sake daukaka hukuncin da aka yanke na rufe Ofishinsu a kasar Rasha.