Taron Tunawa da Mutuwar Yesu
Asabar, 12 ga Afrilu, 2025
Sau daya a shekara, Shaidun Jehobah a fadin duniya suna tunawa da mutuwar Yesu. Muna yin hakan ne domin Yesu ya umurci mabiyansa cewa: “Ku dinga yin haka don tunawa da ni.”—Luka 22:19.
Muna gayyatar ka ka zo wannan taron.
Tambayoyin da Ake Yawan Yi
Taron zai dau tsawon wane lokaci?
Taron wajen awa daya ne.
A ina ne za a yi taron?
Ka tambayi Shaidun Jehobah da suke kusa da kai.
Ana biyan kudi kafin a shiga?
Aꞌa.
Za a karbi baiko?
Aꞌa. Shaidun Jehobah ba sa karban baiko a taronsu.
Wane irin kaya ne zan saka don zuwa taron?
Ko da yake ba wani irin kaya da aka zaba don zuwa taron nan, Shaidun Jehobah suna iya kokari su bi shawarar Littafi Mai Tsarki game da saka rigunan da suka dace. (1 Timoti 2:9) Ba sai ka saka riguna masu tsada ba.
Me za a yi a Taron Tunawa da Mutuwar Yesu?
Ana fara taron da waka da adduꞌa kuma a rufe da waka da kuma adduꞌa. Wani Mashaidin Jehobah ne zai yi adduꞌar. Abu na musamman da ake yi a taron shi ne jawabi da zai bayyana abin da ya sa mutuwar Yesu take da muhimmanci, da kuma yadda za mu amfana daga wannan abin da Allah da Yesu suka yi mana.
Don karin bayani, ka karanta talifin nan, “Me Ya Sa Yadda Shaidun Jehobah Suke Yin Jibin Ubangiji Ya Bambanta da Na Sauran Addinai?”
Yaushe za a yi Taron Tunawa da Mutuwar Yesu a shekaru na gaba?
2025: Asabar, 12 ga Afrilu
2026: Alhamis, 2 ga Afrilu
Mai Yiwuwa Za Ka Kuma So
TARON TUNAWA DA MUTUWAR YESU
Ka Tuna da Mutuwar Yesu
Muna gayyata ka zuwa wannan taro mai muhimmanci. Za ka koya yadda rayuwar Yesu da kuma mutuwarsa za su iya amfanar ka.
MUHIMMAN KOYARWAR LITTAFI MAI TSARKI
Me Ya Sa Yesu Ya Mutu?
Littafi Mai Tsarki ya nuna cewa mutuwar Yesu tana da muhimmanci sosai. Mutuwarsa tana da ma’ana kuwa?