hoshe 13:1-16
13 “jab epraim bolta to log kaanp uthte the,woh israel mein sabse bada tha.+
magar woh baal ki pooja karke doshi ban gaya+ aur mar gaya.
2 ab woh aur bhi paap karte hain,apni chaandi dhaalkar moortein banate hain,+unke kaareegar hunarmandi se moortein banate hain.
woh kehte hain, ‘balidan chadhanevale aakaar bachhdon ko choomein.’+
3 isliye woh subah ke baadal ki tarahaur os ki tarah ban jaayenge jo jald hi gaayab ho jaati hai,bhoosi ki tarah ban jaayenge jise aandhi khalihan se uda le jaati hai,dhuyen ki tarah ban jaayenge jo dhunare se nikaal jaata hai.
4 magar main yahova tab se tera parmeshvar hoon jab israel misra mein hi tha,*+tu mujhe chhod kisi aur parmeshvar ko nahin jaanta tha,mere siva tera koi aur uddharkarta nahin hai.+
5 mainne tujhe tab dekha jab tu veerane mein tha,+ sookhe ilake mein tha.
6 woh apne charagahon se santusht ho gaye,+
santusht hone par unka man ghamand se bhar gayaaur woh mujhe bhool gaye.+
7 main unke liye javan sher jaisa ban jaaunga,+ek cheete jaisa jo raaste mein ghaat lagaye rehta hai.
8 main aisi reechhni ki tarah un par toot padoonga jiske bachche kho gaye hain,main unki chhaati* cheer doonga.
ek sher ki tarah unhein vahin khaa jaaunga,maidan ka ek jangli jaanvar unki boti-boti kar dega.
9 hey israel, woh tujhe naash kar dega,kyonki tu mere khilaf ho gaya hai, apne madadgar ke khilaf.
10 kahaan gaya tera raja jo tujhe sabhi shehron mein bachata?+kahaan gaye tere shaasak?*unke baare mein toone kaha tha, ‘mujhe ek raja aur haakim de.’+
11 mainne gusse se bharkar tujhe ek raja diya+aur ab jaljalahat mein aakaar use le loonga.+
12 epraim ke gunahon ki gathri baandhi gayi hai,*uska paap sambhaalkar rakha gaya hai.
13 use bachcha janne ka saa dard uthega.
magar woh naasamajh bachcha hai,paida hone ka samay aa gaya hai magar woh baahar nahin aana chahta.
14 main unhein kabraa* ki giraft se chhudaunga,maut ke changul se chhudakar unhein vaapas laaunga.+
hey maut, tera dank kahaan hai?+
hey kabraa, teri naash karne ki shakti kahaan gayi?+
main tujh par bilkul daya nahin karoonga.
15 chahe woh narkaton ke beech khoob badhe,fir bhi poorab se hava chalegi, yahova ki taraf se hava chalegi,yah registan se chalegi, uska kuaan aur sota sukha degi.
woh aakaar uski sab anmol cheezon ka khazana loot lega.+
16 saamriya ko doshi thehraya jaayega+ kyonki usne apne parmeshvar se bagavat ki hai.+
woh talvar se maare jaayenge,+unke bachchon ko patak-patakkar maar daala jaayegaaur unki garbhvati aurton ka pet cheer diya jaayega.”
kai footnote
^ ya “misra se tera parmeshvar hoon.”
^ shaa., “unke dil ki jhilli.”
^ shaa., “nyayi.”
^ ya “gunah sambhaalkar rakhe gaye hain.”
