u.s. centers for disease control and prevention ke mutabik kuch ladke-ladkiyon ka interview liya gaya, jinki umra 15-19 saal ke beech thi. unmein se kareeb aadhe log mukh maithun (oral sex) kar chuke the. * sharlene azam, jinhonne oral sex is the new goodnight kiss naam ki kitab likhi, kehti hain, “agar aap kishor umra ke ladke-ladkiyon se [mukh maithun ke baare mein] baat kareinge, to woh kaheinge ki ismein koi badi baat nahin hai. asal mein woh ise sex maante hi nahin hain.”

•  aap kya sochte hain?

•  is baare mein sachchai kya hai?

•  yah kyon maayne rakhta hai?

neeche diye gaye savalon ke javab haan ya nahin mein deejiye.

1. kya ek ladki mukh maithun se garbhvati ho sakti hai?

   1. k) haan

   2. kh) nahin

2. kya mukh maithun se koi beemari lag sakti hai?

   1. k) haan

   2. kh) nahin

3. kya mukh maithun sach mein sex hai?

   1. k) haan

   2. kh) nahin

apne javab ko neeche the gayi jaankari se milakar dekhiye.

1. kya ek ladki mukh maithun se garbhvati ho sakti hai?

   javab: nahin. is vajah se kai logon ko lagta hai ki mukh maithun se koi nuksan nahin hota.

2. kya mukh maithun se koi beemari lag sakti hai?

   javab: haan. jo koi mukh maithun karta hai, use mukh maithun se hepatitis (a ya b), jannaang massa, soojak (gonorrheaa), daad (herpes), h.i.v aur upadansh (syphilis) jaisi beemariyaan ho sakti hain.

3. kya mukh maithun sach mein sex hai?

   javab: haan. aisa kuch bhi karna jismein doosron ke jannaang shaamil hon, use sex maana jaata hai. ismein na sirf saadharan taur par laingik sambandh rakhna, balki mukh maithun, guda maithun aur doosre vyakti ka hast maithun karna bhi shaamil hai.

aaiye gaur karein ki pavitra shastra bible mein aisi kaun-si aaytein hain, jinmein diye siddhaant mukh maithun se jude hain.

pavitra shastra mein likha hai: ‘parmeshvar ki marzee yahi hai ki tum vyabhichar se door raho.’—1 thisslunikiyon 4:3.

shastra mein jis shabd ka anuvad “naajayaz yaun-sambandh” kiya gaya hai, usmein woh sabhi laingik anaitikta ke kaam shaamil hain jo log shaadi se pehle ya shaadi ke baad apne saathi ke alava kisi aur ke saath karte hain. jaise, laingik sambandh rakhna, mukh maithun, guda maithun aur doosre vyakti ka hast maithun karna. jo vyakti naajayaz yaun-sambandh rakhta hai, use iska bura anjam bhugtna pad sakta hai. sabse buri baat to yah hogi ki parmeshvar ke saath uski dosti toot sakti hai.—1 patras 3:12.

pavitra shastra mein likha hai: “jo vyabhichar mein laga rehta hai woh apne hi shareer ke khilaf paap kar raha hai.”—1 kurinthiyon 6:18.

mukh maithun se sehat kharab ho sakti hai, parmeshvar ke saath hamara rishta bigad sakta hai aur bahot dukh bhi ho sakta hai. bachchon se sex ke baare mein baat karna (angrezee) naam ki kitab mein likha hai ki kisi ke saath naajayaz laingik sambandh banane se ek vyakti bahot bura mehsoos karta hai. jaise, use lagta hai ki ab woh kisi ke laayak nahin raha, woh apne kiye par pachhtata hai aur bahot dukhi hota hai. ek vyakti ko naajayaz yaun-sambandh banane se jo dukh hota hai, vahi dukh kisi bhi tarah se laingik anaitik kaam karne se ho sakta hai, jaise mukh maithun. ye sabhi kaam sex hi hain.”

pavitra shastra mein likha hai: “main hi tera parmeshvar yahova hoon jo tujhe tere laabh ke liye shiksha deta hoon.”—yashayah 48:17.

kya aapko yakeen hai ki sex ke baare mein diye parmeshvar ke niyamon se aapko faayda hota hai? ya aapko ye bandish lagte hain? in savalon ke javab paane ke liye ek haaive ke baare mein sochiye, jis par bahot-si gaadiyaan hain, gati seema ke board hain, traffic signal hain aur rukne ki nishaniyaan hain. aapko kya lagta hai, ye board aur nishaniyaan aapke liye bandish hain ya inse aapki suraksha hoti hai? agar aap aur doosre gaadeevale in par dhyan na dein, to kya hoga?

aisa hi parmeshvar ke staron ke saath hai. agar aap in staron par dhyan na dein, to aap vahi kaateinge, jo aap boyenge. (galatiyon 6:7) sex smart naam ki kitab mein likha hai, “jitna zyada aap apne vishvas aur naitik staron ko nazarandaz karte jaayenge aur aise kaam kareinge jo aapko sahi nahin lagte, utna hi aap apni nazron mein girte jaayenge.” lekin agar aap parmeshvar ke staron ke mutabik jeeyenge, to aapka chaalchalan achha maana jaayega. isse bhi badhkar, aapka zameer shuddh rahega.—1 patras 3:16.