Sang Agosto 25, 2023, gin-release ni Brother Robert Batko, miembro sang Branch Committee sa Central America, ang una nga apat ka libro sang Bag-ong Kalibutan nga Badbad Sang Cristianong Griegong Kasulatan sa Low German nga lenguahe. Gin-release ini sa una nga adlaw sang “Mangin Mapinasensiahon”! nga Rehiyonal nga Kombension sa Low German. Ginhiwat ini sa Cuauhtémoc, Chihuahua, Mexico, kag may 355 ka tawo ang nag-attend. Nangin available dayon ang digital kag audio nga pormat sang apat ka libro sang Ebanghelyo. Dugang pa, ginpanagtag man ang naimprinta nga kopya sang The Bible—The Good News According to Matthew. Ang nabilin nga tatlo ka Ebanghelyo i-imprinta man kon i-release ang bilog nga Bag-ong Kalibutan nga Badbad Sang Cristianong Griegong Kasulatan sa Low German. Ang Low German ginahambal sa bilog nga kontinente sang America, pero madamo ang nagahambal sang Low German sa Mexico.

Ining bag-o nga translation nakabulig na sa mga tawo para mahapos nila maintiendihan ang Biblia. “Ang Biblia nga ginagamit namon subong wala sang mga quotation mark, gani mabudlay mabal-an kon sin-o ang nagahambal kag kon sin-o ang iya ginahambalan,” siling sang isa ka brother. “Pero ining bag-o nga translation mahapos gid intiendihon.”

Nagakalipay kita upod sa aton mga kauturan nga nagahambal sang Low German kag sigurado kita nga mabuligan sini ang madamo nga “makadangat sa sibu nga ihibalo tuhoy sa kamatuoran.”—1 Timoteo 2:3, 4.