Sang Nobiembre 19, 2022, ang mga Saksi ni Jehova opisyal na nga ginrehistro sa Monaco. Nangin posible ini bangod sa duha ka desisyon sang Supreme Court of Monaco nga pabor sa aton kag sa isa ka desisyon sang European Court of Human Rights (ECHR).

Wala pa duha ka tuig sa tapos mag-file ang aton mga kauturan sang application sa ECHR, ginpahibalo sang ECHR ang desisyon sini sa gobierno sang Monaco kag ginmanduan ini nga mangita sang solusyon.

Sa tapos ginpahibalo ini nga kaso sa gobierno, nagmiting ang mga Saksi kag ang gobierno para magsugtanay. Nagpasugot ang gobierno sang Monaco nga irehistro ang mga Saksi ni Jehova. Sang Disiembre 9, 2021, nagdesisyon ang ECHR nga ginabaton sini ang ginkasugtan nga irehistro sang Monaco ang aton organisasyon kag wala sing restriksion sa aton pagsimba. Nagsugot man ang gobierno sang Monaco nga magbayad sang legal fee, nga sobra 35,000 ka euro ($40,000 U.S.).

Sang Nobiembre 16, 2022, nagpagua ang gobierno sang Monaco sang dokumento nga nagakumpirmar sang pagrehistro sang Association Monégasque pour le Culte des Témoins de Jéhovah (Monaco Association for the Worship of Jehovah’s Witnesses). Ini nga dokumento ginbalhag sa opisyal nga Journal of Monaco sang Nobiembre 18, 2022.

Nalipay gid kita nga wala sing restriksion nga ginpatuman ang gobierno sa pagsimba sang aton mga kauturan sa Monaco. Ginapasalamatan gid naton si Jehova sa sining pagrehistro nga madugay na naton nga ginahulat.—Filipos 1:7.