Sang Marso 27, 2022, gin-release ni Brother Mats Kassholm, miembro sang Branch Committee sa Myanmar, ang digital version sang Bag-ong Kalibutan nga Badbad sa Karen (S’gaw). Ang narekord na nga daan nga programa gin-stream sa mga 620 ka tumalambong. Ang naimprinta nga kopya sini nga Biblia mangin available sa Abril 2022.

Ang mga Saksi ni Jehova sa Myanmar nagsugod sang 1914 sang nag-abot ang una nga mga Estudyante sang Biblia sa sini nga pungsod. Sang mga 1940, nabawtismuhan ang una nga Karen (S’gaw) nga manugbantala sa Myanmar.

Daku gid ang mabulig sang Bag-ong Kalibutan nga Badbad. Kay man, daan na ang mga tinaga sang iban nga translation sang Biblia sa Karen (S’gaw) kag nabudlayan na ang mga tawo nga intiendihon ini kag kon kis-a sala pa ang translation. Halimbawa, ang isa ka translation sang Biblia sa Karen (S’gaw) nag-translate sang isa ka linya sa Salmo 72:16 nga “isa ka hakop sang uyas sa duta.” Pero insakto na ang pag-translate sang Bag-ong Kalibutan nga Badbad kay mabasa na ini nga “mangin bugana ang mga uyas sa duta.”

Pagpakamaayo gid halin kay Jehova ang pag-release sini nga Biblia para sa mga kauturan nga nagahambal sang Karen (S’gaw). Ginapangamuyo naton nga makabulig ini sa ila para mangin mabakod pa gid ang ila nga pagtuo kay Jehova.—1 Pedro 5:10.