AGOSTO 15, 2019
POLAND
Warsaw, Poland—“Ang Gugma Wala sing Katapusan”! nga Internasyonal nga Kombension Para sa 2019
Petsa: Agosto 9-11, 2019
Lugar: Municipal Stadium sang Legia Warsaw kag Torwar Hall, Warsaw, Poland
Lenguahe: English, Polish
Pinakamadamo nga Nagtambong: 32,069
Kadamuon sang Nabawtismuhan: 190
Mga Delegado Halin sa Iban nga Pungsod: 6,892
Mga Sanga nga Gin-agda: Central Europe, Chile, Ecuador, Finland, France, Georgia, Hungary, Japan, Korea, Moldova, Romania, Ukraine, United States
Lokal nga Eksperiensia: Si Mr. Kamil Kaźmierkiewicz, general manager sang Four Points sang Sheraton Warsaw Mokotów (isa sa mga hotel nga gindayunan sang mga delegado), nagsulat: “Kahapos lang kon kamo ang katrabaho namon—kuntani mas madamo pa ang amon kliyente nga mabuot kag positibo pareho ninyo. Makita gid ang inyo paghigugmaanay kag paghiusa. . . . Nagadayaw gid ako sa pagkaorganisado sini nga okasyon.”
Si Mr. Kamil Lubański, ang tag-iya sang KL Team, nga kompanya sang mga bus nga gingamit sang kombension, nagsiling man: “Sa umpisa pa lang, nakita ko na nga maayo nga katrabaho ang mga Saksi ni Jehova. Organisado gid sila kag propesyonal. Naplano kag nahanda sing maayo ining daku nga okasyon. Madamo naman kami sing kilala nga mga kliyente, pati ang gobierno, kag nakaorganisar man kami sing mga okasyon diri sa amon pungsod kag sa iban pa nga pungsod sa Europe. Pero, talagsa ka lang makakita sing kliyente nga preparado kag organisado kaayo pareho ninyo. Positibo gid pirme ang ginahambal sang amon mga drayber kag iban pa nga empleyado parte sa mga Saksi ni Jehova. Kabay pa nga makatrabaho namon kamo liwat.”
Ang mga delegado mainit nga gin-abiabi sa erport
Mga tumalambong nga nagapasulod sa lugar sang kombension sang Biernes sang aga
Ang aerial view sang isa sa mga lugar sang kombension, ang Municipal Stadium sang Legia Warsaw
Si Brother Gerrit Lösch sang Nagadumala nga Hubon nagahatag sang katapusan nga pamulongpulong sang Biernes
Tatlo ka indibiduwal nga ginbawtismuhan sang Sabado
Kauturan nga nagapamati sing maayo sa programa sang kombension
Mga delegado nga nagasuksok sang ila tradisyonal nga bayo nga nagapapiktyur sa gua sang istadyum
Sang Domingo, ang nagbisita nga pinasahi nga bug-os tion nga mga alagad nagkanta sang nagatakop nga ambahanon upod sa tumalambong
Grupo sang pamatan-on nga mga sister nga nagakanta para sa mga delegado sa isa ka evening gathering
Kauturan nga naga-perform sang tradisyonal nga Polish dance sa isa ka evening gathering