Sa indi madugay, ipahibalo sang Novosibirsk District Court of the Novosibirsk Region ang desisyon sini sa kaso nanday Brother Valeriy Maletskov kag Sister Marina Chaplykina. Wala pa sing may ginsiling ang piskal kon ano nga sentensia ang gusto niya sa sini nga kaso.

1. 2018

   Ang isa ka tawo nga nagatuon sa Biblia kag naga-attend sa mga miting sang mga Saksi ni Jehova antes sang pag-ban nagkooperar sa mga agent sang FSB sa Novosibirsk. Nagtipon sia sang impormasyon parte sa mga naga-attend sa miting

2. Abril 19, 2019

   Base sa impormasyon nga ginhatag sang sini nga tawo, gin-raid ang anom ka balay sang mga Saksi ni Jehova sa Novosibirsk. Ginkasuhan si Valeriy Maletskov kag si Marina Chaplykina. Gin-aresto sila nga duha kag ginbutang sa temporary detention center

3. Abril 21, 2019

   Ginpagua sila nga duha sa temporary detention. Si Valeriy gin-house arrest, kag ginbutangan sang restriksion ang pagbiyahe ni Marina Chaplykina

4. Pebrero 21, 2022

   Ginkasuhan si Valeriy nga nagaorganisar sang mga hilikuton sang extremist nga organisasyon. Si Marina Chaplykina naman ginkasuhan nga nagaentra kag amo kuno ang nagagasto sang mga hilikuton sang isa ka extremist nga organisasyon

5. Marso 30, 2022

   Ginsugdan ang hearing

Maathag nga ginapakamaayo kag ginaproteksionan ni Jehova ang aton mga kauturan kay padayon sila nga nagabatas bisan sang paghingabot.—1 Juan 5:4.