Sa indi madugay, ipahibalo sang Leninskiy District Court of the City of Smolensk ang desisyon sini sa kaso ni Sister Tatyana Galkevich kag ni Sister Valentina Vladimirova. Wala pa sing may ginsiling ang piskal kon ano nga sentensia ang gusto niya sa sini nga kaso.

1. Mayo 14, 2019

   Ginsugdan sang awtoridad ang pag-imbestigar kanday Tatyana kag Valentina. Gin-raid sang mga pulis ang mga apartment sining duha ka sister. Gin-detain sila kag gin-interogar sa masobra 48 ka oras. Bisan pa may malubha sila nga balatian, ginpriso gihapon sila sa pretrial detention center

2. Nobiembre 22, 2019

   Pagkatapos sang masobra anom ka bulan, ginpagua sanday Tatyana kag Valentina sa pretrial detention pero gin-house arrest gihapon sila

3. Disiembre 31, 2019

   Gindala sa ospital si Valentina kay naglala ang iya ginabatyag

4. Agosto 6, 2020

   Mga walo ka bulan sang ulihi, gin-untat na ang pag-house arrest kay Tatyana kag ginmanduan sia nga indi maghalin sa ila lugar. Si Valentina padayon gihapon nga gin-house arrest, kag isa lang ka paryente niya kag ang iya abogado ang makaistorya sa iya

5. Oktubre 2, 2020

   Ang akusasyon sang mga awtoridad kanday Tatyana kag Valentina nagalawig sing 400 ka pahina. Lakip sa sini amo nga ang mga sister sekreto nga nagplano “nga taguon ang mga hilikuton sang extremist nga organisasyon”

6. Oktubre 14, 2020

   Sa una nga hearing, nagsugo ang judge nga ibalik sa opisina sang piskal ang kaso para sa dugang nga imbestigasyon kay ang ebidensia indi magamit sa korte. Bisan pa nga indi makatindog si Valentina sa tion sang hearing, ginpadayon gihapon sang korte ang iya house arrest

7. Pebrero 25, 2021

   Ginbasura sang appeals court ang desisyon nga ibalik sa piskal ang kaso, amo nga nagpadayon ang pag-hearing

Ginapangamuyo naton nga si Jehova padayon nga mangin ‘kusog kag taming’ para kay Valentina, kay Tatyana, kag sa tanan naton nga kauturan nga ginahingabot sa Russia kag sa Crimea.—Salmo 28:7.