NOBIEMBRE 20, 2023 | GIN-UPDATE: ABRIL 26, 2024
RUSSIA
UPDATE—GINBUHINAN ANG SENTENSIA | Si Brother Yevgeniy Bushev Ginsentensiahan nga Mapriso sing Pito ka Tuig
Sang Abril 25, 2024, nagdesisyon ang Chelyabinsk Regional Court nga buhinan sang isa ka tuig ang kalawigon sang sentensia kay Brother Yevgeniy Bushev pagkatapos sia nag-apelar. Anom ka tuig na lang nga pagkapriso ang iya sentensia.
Sang Nobiembre 7, 2023, ang Kalininskiy District Court of the Chelyabinsk Region nagdesisyon nga guilty si Brother Yevgeniy Bushev kag ginsentensiahan sia nga mapriso sing pito ka tuig. Gindala sia dayon sa prisuhan halin sa korte.
Impormasyon Parte sa Iya
Nasubuan kita nga napriso ang isa pa ka utod. Pero nagasalig kita nga si Jehova padayon nga mangin dalangpan ni Yevgeniy kag sang tanan nga nagaeksperiensia sang mga pagtilaw.—Salmo 94:22.
Time Line
Agosto 24, 2022
Ginkasuhan sia
Septiembre 8, 2022
Gin-raid ang iya balay
Septiembre 9, 2022
Ginbutangan sing restriksion ang iya pagbiyahe
Septiembre 20, 2023
Ginsugdan ang hearing
Nobiembre 7, 2023
Gindesisyunan nga guilty kag ginsentensiahan nga mapriso sing pito ka tuig
Tan-awa Man
NEWS RELEASE
Ara sa Prisuhan Bangod sa Ila Pagtuo—Russia
Ang mga Saksi ni Jehova sa Russia ginapriso bangod sa ila pagtuo. Hibalua ang ila kasaysayan, kag puede ka man maka-print sang listahan sang tanan nga napriso nga Saksi.