Sang Disiembre 31, 2019, ginpahibalo sang gobierno sang South Korea nga ang 1,879 ka brother nga nagpangindi nga magsoldado bangod sa konsiensia nga ginpagua sa prisuhan sining karon lang pagahatagan sang espesyal nga amnestiya. Bisan pa nga indi pagpanason ang ila criminal record, kuhaon na sang gobierno ang tanan nga pagdumili nga ginpatuman sa ila. Ining espesyal nga amnestiya resulta sang mga desisyon sang Constitutional Court kag sang Supreme Court sang 2018, nga nagasiling nga ang pagpangindi magsoldado bangod sa konsiensia indi isa ka krimen, kundi kinamatarong.

Sa Korea, pagkatapos mapriso ang isa ka tawo, may mga pagdumili gihapon nga ginapatuman sa iya ang gobierno sa sulod sang lima ka tuig. Bangod may criminal record ang aton mga brother nga nagpangindi nga magsoldado bangod sa konsiensia, may ginapatuman man ang gobierno nga mga pagdumili sa ila. Gani, indi sila makakuha sang mga eksam para sa mga lisensia kag indi man sila makaaplay sa pila ka mga obra.

Si Brother Hong Dae-il, nga nagaalagad sa Public Information Desk sa South Korea, nagsiling: “Nagapasalamat gid kami sa gobierno kay ginkuha nila ang mga pagdumili. Bangod sini nga desisyon, amat-amat na nga ginakilala sang gobierno nga ang mga ginpriso kay nagpangindi nga magsoldado bangod sa konsiensia indi mga kriminal.”

Samtang ginapaabot naton ang dugang nga positibo nga mga desisyon sang gobierno sang South Korea, ginahimaya naton kag ginapadunggan si Jehova, ang supremo nga Manughatag sing Kasuguan.—Bugna 4:11.