Sa una nga tion sa kasaysayan, ang mga nagpangindi nga magsoldado bangod sa konsiensia, ginpasugtan sang gobierno sang South Korea nga maghimo sang alternative civilian service. Sang Oktubre 26, 2020, 63 sa aton mga brother ang nagpasugot nga maghimo sini nga klase sang pagserbisyo kag ginsugdan nila ang tatlo ka tuig nga pag-obra sa isa sa duha ka prisuhan. Nalakip sa ila obra ang paghanda sang pagkaon, pagpamalaklon, pagtudlo, pag-atipan sa panglawas kag katinlo sang mga priso, kag pagmentinar. Suno sa bag-o nga mga kasuguan, ang mga brother indi makabiya sa prisuhan sa una nga duha ka bulan sang ila asaynment. Pagkatapos sang duha ka bulan, pasugtan na sila nga makagua para magtambong sa mga miting kag magbantala basta nahimo na nila ang ila obra sa sina nga adlaw. Pero, dapat mabalik sila sa prisuhan nga indi maglapaw sa alas nuebe sang gab-i.

Si Brother Kim Hyun-soo, nga isa sa 63, nagsiling: “Bisan pa wala sini ginsunod ang tanan nga patakaran nga ginapatuman sa bilog nga kalibutan, nagdesisyon ako nga himuon ini nga pagserbisyo bangod wala ini ginadumalahan sang militar.”

Nagasalig kita nga ang aton pamatan-on kag matutom nga mga brother sa South Korea padayon nga magahimaya kag magadayaw kay Jehova paagi sa ila “maayong mga buhat.”—Mateo 5:16.