Salmo 6:1-10
Para sa pangulo sang musika; ambahon upod ang de-kuerdas nga mga instrumento sa tono sang Seminit.* Salmo ni David.
6 O Jehova, indi ako pagsabdunga sa imo kaakig,Kag indi ako pagtadlunga sa imo kasingkal.+
2 Kahamut-i* ako, O Jehova, kay ginalapyo na ako.
Hatagi ako sing kusog, O Jehova,+ kay nagapalangluya ako tungod sa kahadlok.*
3 Huo, ginatublag gid ako,*+O Jehova, tubtob san-o ako magaantos?+
4 Kari ka kag luwasa ako,* O Jehova;+Luwasa ako tungod sang imo mainunungon nga gugma.+
5 Kay ang mga patay wala na nagasambit* sa imo;Kag sa Lulubngan,* sin-o ang magadayaw sa imo?+
6 Ginalapyo ako sa akon pagpanghayhay;+Sa bug-os nga gab-i nahumog sang luha ang akon hiligdaan;*Nagadanaw ang akon hiligdaan bangod sang akon paghibi.+
7 Nagpalanghuyos ang akon mga mata sa kalisod;+Nagpalangdulom ini bangod sang tanan nga nagasalakay sa akon.
8 Palayo sa akon, tanan kamo nga nagahimo sing kalautan,Kay pamatian gid ni Jehova ang akon paghibi.+
9 Pamatian gid ni Jehova ang akon pagpakiluoy;+Batunon ni Jehova ang akon pangamuyo.
10 Ang tanan ko nga kaaway mahuy-an kag magasalasala;Magapalalagyo sila sing hinali bangod sa kahuya.+
Footnote
^ Ukon “Kaluy-i.”
^ Sa literal, “nagapalangurog ang akon mga tul-an.”
^ Ukon “ang akon kalag.”
^ Ukon “ang akon kalag.”
^ Ukon “nagadumdom.”
^ Sa literal, “nagadanaw ang akon hiligdaan.”
