BAHIN 7
Pagkabanhaw ni Jesus Tubtob sa Pagkabilanggu ni Pablo
Sang ikatlo nga adlaw sang iya pagkapatay, ginbanhaw si Jesus kag nagpakita sa iya mga sumolunod sa lima ka tuhay nga tion. Sa 40 ka adlaw, padayon sia sa pagpakita sa ila, dayon nagsaka sia sa langit. Napulo ka adlaw sang ulihi, ginbubo sang Dios ang balaan nga espiritu sa mga sumolunod ni Jesus nga nagahulat sa Jerusalem.
Sang ulihi, ginbilanggu ang mga apostoles, apang ginhilway sila sang anghel. Si Esteban ginbato sa kamatayon sang mga manugpamatok. Apang, ang isa sining mga manugpamatok, ginpili ni Jesus nga mangin iya pinasahi nga alagad kag nangin si apostol Pablo. Nian sa tatlo ka tuig kag tunga sa tapos mapatay si Jesus, si Pedro nagbantala sa di-Judiyo, nga si Cornelio.
Mga 13 ka tuig sang ulihi si Pablo una nga naglakbay sa pagbantala. Madamu sia sing makatalandog nga eksperiensia sa pag-alagad sa Dios tubtob ginbilanggu sia sa Roma. Duha ka tuig sang ulihi ginhilway sia. Nian ginbilanggu sia liwat kag ginpatay. Ang BAHIN 7 nagatuptop sing mga 32 ka tuig nga panahon.
SA SINI NGA SEKSION
SUGILANON 102
Buhi si Jesus
Sang mapaligid na palayo sang anghel ang bato sa lulubngan ni Jesus, nakibot ang mga soldado nga nagabantay sang nakita nila sa sulod.
SUGILANON 103
Sa Nakandadohan nga Hulot
Ngaa wala makilala si Jesus sang iya mga disipulo sa tapos sang iya pagkabanhaw?
SUGILANON 104
Nagbalik si Jesus sa Langit
Antes magpalangit si Jesus, naghatag sia sing katapusan nga sugo sa iya mga disipulo.
SUGILANON 105
Nagahulat sa Jerusalem
Ngaa ginbubo ni Jesus ang balaan nga espiritu sa iya mga disipulo sang Pentecostes?
SUGILANON 106
Ginpagua sa Bilangguan
Ginpabilanggo sang Judiyo nga relihioso nga mga lider ang mga apostoles para pauntaton sila sa pagbantala, pero may ginahunahuna ang Dios nga ipahimo sa ila.
SUGILANON 108
Sa Dalan pa Damasco
Bangod sa makasililaw nga kasanag kag tingog halin sa langit, nagbag-o ang kabuhi ni Saul.
SUGILANON 109
Ginduaw ni Pedro si Cornelio
Ginapasulabi bala sang Dios ang isa ka rasa ukon pungsod?
SUGILANON 110
Si Timoteo—Bag-ong Kabulig ni Pablo
Nagbiya si Timoteo sa iya puluy-an para mag-upod kay Pablo sa isa ka makakulunyag nga byahe agod magbantala.
SUGILANON 111
Ang Bata nga Natulogan
Natulugan si Eutico sa una nga pamulongpulong ni Pablo, pero wala na sia matulugan sa ikaduha nga pamulongpulong. Ang natabo sa ulot sang duha ka pamulongpulong isa ka milagro.
SUGILANON 112
Nagub-an sing Sakayan sa Isa ka Isla
Sang daw wala na sing mahimo pa, nakabaton si Pablo sang mensahe halin sa Dios kag naghatag ini sa iya sing paglaum.
SUGILANON 113
Si Pablo sa Roma
Paano mahimo ni Pablo ang iya buluhaton bilang apostol kay napriso sia?
