“Naluyagan Ko Kon Paano Sini Ginapaathag ang mga Butang”

Amo ina ang ginsiling sang isa ka pamatan-on nga business administration assistant nga taga-Yucatán, Mexico, tuhoy sa kon paano ginapaathag sang magasin nga Magmata! ang mga topiko. Ginpaathag niya sa isa ka sulat nga una niya nga nahibaluan ang tuhoy sa Magmata! sa isa ka Saksi nga kaupod niya sa trabaho sa kompanya sang seguro diin nagatrabaho sila nga duha.

Tuhoy sa Magmata!, nagsiling sia: “Isa gid ini ka tuburan sang impormasyon kag kamatuoran. Naluyagan ko kon paano sini ginapaathag ang mga butang, kay wala ini nagadampig sa politika kag wala nagapasulabi sang iban nga tawo. Nakakita ako sing mga solusyon sa mga problema paagi sa pagbasa sini nga magasin. Isa ini ka makagalanyat, timbang, suno-sa-tion, kag mapuslanon nga publikasyon. Ginapalab-ot ko sa inyo ang akon sinsero gid nga panginbulahan!”

Sang pila ka tuig nga nagligad ginbinagbinag sang Magmata! ang hangkat kon paano atubangon ang kamatayon sang isa ka hinigugma. Yadto nga impormasyon gin-edit liwat kag ginpresentar sa brosyur nga natig-uluhan sing Kon ang Isa nga Ginahigugma Mo Mapatay. Ayhan ikaw ukon ang isa nga kilala mo mahimo malugpayan paagi sa pagbasa sining 32-pahina nga brosyur. Mahimo ka magpangabay sing isa ka kopya paagi sa pagsulat kag sa pagpadala sang ginlakip nga kupon sa direksion nga makita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing kopya sang brosyur nga Kon ang Isa nga Ginahigugma Mo Mapatay.

□ Palihug pakig-anguti ako nahanungod sa isa ka walay bayad nga pagtuon sing Biblia sa puluy-an.