‘Edukasyunal Kag Impormatibo’

Amo sini ang paglaragway sa Magmata! sang isa ka 26-anyos nga lalaki nga nagapuyo sa Binukid sang Papua New Guinea.

Nagsulat sia sa lokal nga sanga talatapan: “Ginadayaw ko kamo tungod sang pag-imprinta sing dalayawon, matuod, edukasyunal, kag impormatibo nga mga artikulo sa mga topiko sa inyo bantog nga magasin nga Magmata!” Nagpaathag sia: “Bisan pa indi ako miembro sang relihion sang mga Saksi ni Jehova, nalipay gid ako sa pagbasa sang mga kopya sang Magmata! nga magasin, nga ginahulam ko sa akon mga abyan. . . . Kada makabasa ako sing isa ka kopya, luyag ko kamo sulatan agod dayawon ang inyo mapuslanon nga mga pagpangabudlay. Apang sa tion nga masulat na ako, isa naman ka magasin ang nagaabot kag nagahupot sa akon nga masako na naman.”

Ining mainapresyahon nga bumalasa naghinakop: “Suno sa akon pagtamod, ang Magmata! bilidhon gid kay bisan sin-o nga makabasa sini. Upod ang kahanuot, luyag ko kamo pasalamatan sing di-maisip ka beses.”

Ang Magmata! nagaaman sang kasanagan sa madamo nga topiko. Labi pa ka importante, nagatukod ini sang pagsalig sa saad sang Manunuga nga isa ka mahidaiton nga bag-ong kalibutan nga magatal-us sang karon nga sistema sang mga butang.

Ang 32-pahina nga brosyur Ano ang Ginapatuman Sang Dios sa Aton? nagapadaku sinang katuyuan sang Dios, nagaaman sing impormasyon gikan sa Biblia agod ipakita kon ano ang dapat naton himuon agod iya kahamut-an. Mahimo ka makapangabay sing isa ka kopya sini nga brosyur paagi sa pagsulat sa kaupod nga kupon kag sa pagpadala sini sa direksion nga makita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing isa ka kopya sang brosyur nga Ano ang Ginapatuman Sang Dios sa Aton?

□ Palihug pakig-anguti ako tuhoy sa isa ka walay bayad nga pagtuon sa Biblia sa puluy-an.