Indi Lamang Para sa mga Tin-edyer

Sa isa ka sulat sa opisina sang tagdumalahan sang mga Saksi ni Jehova sa Poland, ang 25-anyos nga si Jolanta nagpaathag nga ginpung-aw sia anay. Indi sia makalakat bangod sang sablag sa lawas, kag sa sulod lamang sang anom ka bulan, napatay ang iya iloy kag lola. Apang nabasa niya ang publikasyon nga Questions Young People Ask​​—⁠Answers That Work. Sia nasulat:

“Abi ko sa mga tin-edyer lamang mapuslanon ini nga publikasyon kag indi sa akon,” siling niya. “Nagsala gid ako! Sang ginatun-an ko ang kapitulo 12 tubtob 16 sang libro, nakita ko ang maathag nga mga sabat sa akon mga pamangkot: ‘Ngaa napung-awan gid ako kag nasubuan?’ ‘Ngaa wala ko maluyagan ang akon kaugalingon?’ kag ‘Ngaa tuman gid ang akon kalisod sang mapatay ang akon hinigugma nga mga paryente?’ ”

Nagpadayon sia: “Naganyat ako sa duha ka punto sa pahina 130: ‘Ang paghibalo nga normal lamang ang imo kalisod isa ka daku nga bulig nga mabaton ang kahimtangan kag malandas ini. Apang nagalawig lamang ang kalisod kon ipanghiwala ang katunayan.’ Ang pagbasa sini nga mga pulong nagpabakod sang akon pagpanguyapot sa akon paglaum nga makita ang mga nagtulog sa kamatayon, nga nagdugang sing katuyuan sa akon kabuhi.”

Kon luyag mo malandas ang imo kapung-aw kag matigayon ang dugang nga kahulugan sa imo kabuhi, nagapati kami nga makabenepisyo man ikaw sa libro nga Questions Young People Ask​​—⁠Answers That Work. Agod makapangabay sing kopya, sulati ang kaupod nga kupon kag ipadala ini sa direksion sa ubos ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing kopya sang libro nga Questions Young People Ask​​—⁠Answers That Work.

□ Palihug pakig-anguti ako tuhoy sa walay bayad nga pagtuon sa Biblia sa puluy-an.