“Nakilala ko Liwat ang Nalimtan nga Jesus”

Pagkatapos mabasa ang libro nga Ang Pinakabantog nga Tawo nga Nagkabuhi, ang isa ka babayi nga taga-Saint-Jérôme, Quebec, Canada, nagsulat: “Nakunyag gid ako nga nakilala ko liwat ang nalimtan nga Jesus, nga masami ginailustrar sing di-realistiko sang mga artist ukon dibuhista.”

Naghambal ang babayi tuhoy sa mga laragway sa libro: “Naluyagan ko gid ang mga laragway sa inyo libro. Nakita ko nga daw tunay kag buhi gid ang mga karakter, kaangay sadtong mga nagkabuhi sa tion nga si Jesus yari sa duta kag nagabantala.” Naghinakop sia: “Ginapanginbulahan ko kamo sa paghimo sini nga libro. Isa ini ka instrumento nga nagatuytoy sa mga nagatinguha nga magtuon sing dugang pa tuhoy sa matuod nga mga panudlo ni Jesus.”

Ginatinguhaan nga ipresentar sang libro nga Pinakabantog nga Tawo ang tagsa ka hitabo sa kabuhi ni Jesus sa duta nga narekord sa apat ka Ebanghelyo, lakip ang iya mga pamulongpulong kag ang iya mga ilustrasyon kag mga milagro. Tubtob posible, ginsaysay ang tanan nga mga butang sing pasunod suno sa ginapatihan nga natabo ini. Kag subong sang natalupangdan sang babayi, ang libro may matahom, daw buhi gid nga mga laragway nga gindesinyo agod ipaalinton ang mga balatyagon ni Jesus kag sang iya mga kaupod.

Kon luyag mo makabaton sing kopya sining 448-pahina nga libro, palihug sulati kag ipadala ang nalakip nga kupon sa nagakaigo nga direksion nga ginlista sa pahina 5 sining magasin.

□ Interesado ako nga makabaton sing kopya sang libro nga Ang Pinakabantog nga Tawo nga Nagkabuhi.

□ Palihug pakig-anguti ako may kaangtanan sa isa ka wala bayad nga pagtuon sa Biblia sa puluy-an.