Daw Ano Kadamo ang Sarang Matun-an sang Imo Bata?

Masami nga wala sing hinalung-ong ang mga adulto sa kapasidad sang bata sa pagtuon. Apang, mas madasig pa magtuon sing bag-o nga lenguahe ang mga bata sangsa ila mga ginikanan. Pag-edad nila sing apat ka tuig, ang iban makahambal na sing duha ukon kapin pa nga lenguahe. Sang nagligad nga tuig, si Rhonda, isa ka babayi nga taga Auburn, Washington, E.⁠U.⁠A., nga nagduhaduha anay sa kapasidad sang bata sa pagtuon, nagsulat: “Salamat sa pagbulig sa akon nga batunon nga sayop gid ako.”

Ginpaathag ni Rhonda nga nakabasa sia sing isa ka eksperiensia sa Agosto 1, 1988 nga gua sang Ang Lalantawan, ang amon kaupod nga magasin, kag nagsiling: “Sa pahina 13, may komento gikan sa isa ka iloy sang apat ka tuig kag tunga nga bata nga lalaki nga nagsiling nga sang nagabasa sia sing Ang Akon Libro Sang mga Sugilanon sa Biblia kag nagdulog, ginapadayon sang iya bata ang istorya sing letra por letra. Nagdugang pa sia nga nasaulo sang bata ang nahauna nga 33 ka istorya sa libro, lakip ang mabudlay nga mga ngalan sang mga lugar kag mga tawo. Ginabaton ko sadto nga para sa akon imposible ini. Ti, nagsayop gali ako. Isa ako karon ka iloy sang apat ka tuig nga bata nga babayi nga nakasaulo man sing madamo nga mga istorya gikan sa Ang Akon Libro Sang mga Sugilanon sa Biblia.”

Ano na ang imo nahimo agod mapalig-on ang imo bata sa pagtuon? Mahimo ka makapangabay sing kopya sang Ang Akon Libro Sang mga Sugilanon sa Biblia, isa ka 256-pahina nga libro nga may 116 ka istorya sang mga tawo kag mga hitabo sa Biblia. Sulati lamang ang nalakip nga kupon kag ipadala ini sa direksion nga makita sa kupon ukon sa nagakaigo nga direksion nga makita sa pahina 5 sini nga magasin.

□ Nagapangabay ako sing isa ka walay bayad nga kopya sang libro nga Ang Akon Libro Sang mga Sugilanon sa Biblia

□ Palihug kontaka ako tuhoy sa isa ka wala sing bayad nga pagtuon sa Biblia sa puluy-an.