Isa ka Libro Para sa Tanan nga Tawo

Sa banta mo, ano nga libro ang para sa tanan nga tawo? Ang isa ka babayi sa Colorado, E.U.A., nakabaton sing brosyur nga may tig-ulo nga Isa ka Libro Para sa Tanan nga Tawo. Ginasaysay sini ang kaundan sang Biblia kag kon ngaa ini nga libro dapat nga basahon sang tanan nga tawo karon. Sa isa ka malip-ot nga sulat nga nagapasalamat tungod sini nga brosyur, sia nagsiling:

“Naluyagan ko gid ini. Wala ko gid gin-untatan tubtob nga naubos ko ini basa. Mabasa sa sini ang tanan nga talalupangdon nga mga punto sa Pulong sang Dios, kag ginapaathag sini sing maayo kon paano nagasantuanay ang Biblia kag siensia. Ginasugid sang brosyur kon paano ginbadbad ang Biblia agod nga mabasa ini sang tanan nga tawo kag kon paano man ini nakalab-ot sa aton karon.”

Pat-od gid nga ang Biblia amo ang labing tumalagsahon sa tanan nga libro, kag amo man ini ang pinakalapnag nga libro sa bug-os nga maragtas. Bisan pa ang Biblia natapos sang mga 2,000 ka tuig na ang nagligad, sibu ini sa siensia kag ang mga panudlo sini praktikal gihapon nga panuytoy sa aton kabuhi karon.

Makapangabay ka sing kopya sining 32-pahina nga brosyur paagi sa pagsulat sa kaupod nga kupon kag ipadala ini sa adres sa ubos ukon sa nagakaigo nga adres sa pahina 5 sini nga magasin.

❑ Interesado ako nga makabaton sing kopya sang brosyur nga ginapakita diri.

Isulat kon ano nga lenguahe.

❑ Palihug kontaka ako tuhoy sa walay bayad nga pagtuon sa Biblia sa puluy-an.