GINDESINYO BALA INI?
Ang Tiil sang Kabayo
ANG kabayo (Equus caballus) makadalagan sing asta sa 50 kilometros kada oras. Bisan pa kinahanglan ini sang pagpangabudlay, gamay lang nga enerhiya ang iya magamit. Paano niya ini mahimo? Ang sekreto ara sa iya mga tiil.
Binagbinaga ang nagakatabo kon magdalagan ang kabayo. Nagakadto sa nagaunyat nga lanitlanit kag maskulo ang puersa kon magtapak ini sa duta, kag pareho sa spring, nagabalik ini dayon amo nga nagabutyog ang kabayo.
Isa pa, kada magdalagan ini, ang iya mga tiil nagapalangurog amo nga mahimo masamad ang iya mga lanitlanit. Pero ginapunggan sang mga maskulo sa mga tiil sini ang pagpalangurog. Ginatawag ini sang mga researcher nga “pinasahi gid nga desinyo sang lanitlanit kag maskulo” nga nagahatag sang kaabtik kag kusog.
Ginatinguhaan sang mga engineer nga ilugon ang desinyo sang mga tiil sang kabayo para magamit nila sa mga robot nga may apat ka tiil. Pero suno sa Biomimetic Robotics Laboratory of the Massachusetts Institute of Technology, ang pagkakomplikado sang desinyo sini mabudlay ilugon paagi lamang sa mga materyales nga matigayon subong kag sa ihibalo parte sa pagdesinyo.
Ano sa banta mo? Ang pagkahuman bala sang mga tiil sang kabayo resulta sang ebolusyon? Ukon gindesinyo ini?
Basi Manamian Ka Man
MAGMATA!
Ang Korte sang mga Pakinhason
Ang korte kag ang desinyo sang alukaba nagaamlig sa pakinhason sa sulod sini.
MAGMATA!
Ang Masiri nga Kolor sang Pollia Berry
Wala sing blue nga kolor ang bahin sang bunga sini nga berry, pero amo ini ang may pinakamasiri nga kolor nga blue nga makita sa tanom. Ano ang sekreto sang masiri nga kolor sini?
MAGMATA!
Ang Balahibo sang Sea Otter
Ang pila ka mamalya nga nagaistar sa tubig may madamol nga sapay para indi sila matugnawan. Pero lain ang paagi sang sea otter.
MAGMATA!
Ang Estratehiya sang Putyukan sa Paghugpa
Ngaa maayo gid nga gamiton ini nga estratehiya sa program nga nagagiya sa mga robot nga nagalupad?
MAGMATA!
Ang Panagang sa Init sang Saharan Silver Ant
Ini nga insekto amo ang isa sa mga sapat nga makasarang sa grabe nga init. Ngaa masarangan sini ang grabe nga kainit?
MAGMATA!
Ang Lanotlanot sang Tahong
Ang mga tahong nagaangot paagi sa mga lanotlanot. Ang paghibalo kon paano nila ini ginahimo makabulig para makadiskobre sing bag-o kag mas maayo nga paagi sa pag-angot sang mga kagamitan sa mga bilding, ukon sang lanitlanit sa mga tul-an.
