1 | Pangamuyo—‘Itugyan Ninyo sa Iya ang Tanan Ninyo nga Kabalaka’
ANG GINASILING SANG BIBLIA: ‘Itugyan ninyo sa Dios ang tanan ninyo nga kabalaka, kay nagaulikid sia sa inyo.—1 PEDRO 5:7.
Ang Buot Silingon
Ginaagda kita ni Jehova nga Dios nga isugid sa iya ang bisan ano nga problema ukon kabalaka nga nagapagamo sa aton pensar. (Salmo 55:22) Puede naton ipangamuyo sa iya ang aton problema, daku man ini ukon gamay. Kon importante ini sa aton, importante man ini kay Jehova, kay nagaulikid gid sia sa aton. Ang pangamuyo makabulig gid para maghaganhagan ang aton kabalaka.—Filipos 4:6, 7.
Kon Paano Ini Makabulig
Kon may problema kita sa mental health, basi nagabatyag kita nga nagaisahanon, kay sa masami, indi gid bug-os nga maintiendihan sang iban ang aton ginaantos. (Hulubaton 14:10) Pero kon isugid naton ang tanan naton nga ginabatyag sa Dios kon mangamuyo kita, magapamati gid sia kag naintiendihan gid niya kita. Makita kita ni Jehova, nabal-an niya ang aton kasakit kag pag-antos, kag gusto niya nga ipangamuyo naton sa iya ang bisan ano nga ginakabalak-an naton.—2 Cronica 6:29, 30.
Ang pag-istorya kay Jehova sa pangamuyo nagapabakod sang aton pagsalig nga nagaulikid sia sa aton. Mabatyagan naton ang ginsiling sang manunulat sang Salmo nga nagpangamuyo: “Nakita mo ang akon kalisdanan; nahibaluan mo ang akon tuman nga kasakit.” (Salmo 31:7) Bangod nahibaluan naton nga nakita ni Jehova ang aton ginaantos, nagapahaganhagan ini sang aton ginabatyag. Pero, wala lang niya ginatan-aw ang aton mga kabudlayan. Wala na sang iban pa nga makaintiende gid sang aton ginaantos, kag paagi sa Biblia ginabuligan niya kita nga mapaumpawan kag mapabakod.
Basi Manamian Ka Man
ANG LALANTAWAN
Paano Mo Masiguro nga Pamatian sang Dios ang Imo mga Pangamuyo?
Istoryaha ang Dios bisan diin ka kag bisan ano nga oras, mahipos man ukon may tingog. Gintudluan pa gani kita ni Jesus kon ano ang aton ihambal.
GINPAATHAG ANG MGA BERSIKULO SA BIBLIA
Ginpaathag ang Isaias 41:10—“Indi Kamo Magkahadlok—Ako Magaupod sa Inyo”
Naggamit si Jehova sing tatlo ka ekspresyon nga nagapasalig sang iya suporta sa matutom nga mga nagasimba sa iya.
IMPORTANTE NGA MGA PANUDLO SANG BIBLIA
Ginapamatian Bala sang Dios ang Tanan nga Pangamuyo?
Ano abi kon ang ginapangamuyo sang isa para lang sa iya kaugalingon? Ano abi kon ang bana nga nagasakit sa iya asawa, nangamuyo sa Dios nga pakamaayuhon sia?
PAMANGKOT SANG MGA PAMATAN-ON
Ngaa Dapat Ako Mangamuyo?
Nagapangamuyo bala kita para lang magnami ang aton pamatyag, ukon may mabulig pa ini sa aton?
ANG LALANTAWAN
Ginapamatian Bala sang Dios ang Aton mga Pangamuyo?
Nagapasalig ang Biblia nga ginapamatian kita sang Dios kon nagapangamuyo kita sa iya sa insakto nga paagi.
PARTE SA AMON
Mag-request nga Kadtuan Ka
Istoryahi ninyo ang isa ka pamangkot sa Biblia, ukon ang dugang nga impormasyon parte sa mga Saksi ni Jehova.
