ANG PILA KA TAWO NAGAPATI nga nagarepresentar ini sa paghari sang Dios sa tagipusuon sang isa ka tawo; ang iban naman nagapati nga resulta ini sang pagpanikasog sang mga tawo nga mapaluntad ang paghidait kag paghiusa. Ano sa banta mo?

ANG GINASILING SANG BIBLIA

“Ang Dios sang langit magatukod sing isa ka ginharian nga indi gid malaglag. . . . Dugmukon sini kag laglagon ining tanan nga ginharian [sang tawo].” (Daniel 2:44) Ang Ginharian sang Dios isa ka matuod nga gobierno.

ANO PA ANG MATUN-AN NATON SA BIBLIA?

• Ang Ginharian sang Dios nagagahom gikan sa langit.—Mateo 10:7; Lucas 10:9.

• Ginagamit sang Dios ang Ginharian para matuman ang iya kabubut-on sa langit kag sa duta.—Mateo 6:10.

ANO ANG MASILING MO?

• Wala sing nakahibalo

• Malapit na lang

• Indi ina matabo

ANG GINASILING SANG BIBLIA

“Ining maayong balita sang Ginharian ibantala sa bug-os nga duta subong panaksi sa tanan nga pungsod, kag dayon magaabot ang katapusan.” (Mateo 24:14) Kon mabantala na sing bug-os ang maayong balita, magakari ang Ginharian para tapuson ang malaut nga sistema subong.

ANO PA ANG MATUN-AN NATON SA BIBLIA?

• Wala sing bisan sin-o sa duta ang nakahibalo kon san-o gid magakari ang Ginharian sang Dios.—Mateo 24:36.

• Ginapakita sang tagna sa Biblia nga malapit na ang pagkari sang Ginharian.—Mateo 24:3, 7, 12.