Isa ka Okasyon nga Indi Mo Dapat Kalimtan

“Ang tagsa ka maayong dulot kag tagsa ka himpit nga regalo” nagahalin sa Dios, ang aton langitnon nga Amay.​​—⁠Santiago 1:⁠17.

ANG labing daku nga dulot nga nahatag sang Dios sa makasasala nga katawhan amo ang aman agod maluwas sila sa sala kag pagkadihimpit paagi sa iya bugtong nga Anak, si Jesucristo. Bangod sang kamatayon ni Jesus, nga Manunubos naton, ang kabuhi nga walay katapusan sa paraiso sa duta nangin posible. Sa Lucas 22:​19, ginasugo kita nga dumdumon ang iya kamatayon.

Ang mga Saksi ni Jehova mainit nga nagaagda sa imo nga magbuylog sa ila sa pagsunod sa sugo ni Jesus. Ining tuigan nga okasyon pagahiwaton sa pagtunod sang adlaw sa petsa nga katumbas sa Nisan 14 sa lunar nga kalendaryo sang Biblia​​—⁠sa Domingo, Abril 8, 2001. Markahi ini nga petsa agod indi mo ini malimtan. Ang mga Saksi ni Jehova sa imo duog makasugid sa imo sang eksakto nga duog-tilipunan kag oras.