Padayon nga nangin matutom si Samuel sa bilog niya nga kabuhi. Bisan bata pa sia, wala niya ginsunod ang malain nga ginhimo sang mga anak ni Eli nga sanday Hofni kag Finehas. (1Sa 2:22-26) Samtang nagadaku si Samuel, si Jehova padayon nga nagaupod sa iya. (1Sa 3:19) Sang tigulang na sia, padayon sia nga nangin matutom kay Jehova, bisan pa nangin indi matutom ang iya mga anak.​—1Sa 8:1-5.

Ano ang matun-an naton kay Samuel? Kon pamatan-on ka, makasalig ka nga nabal-an ni Jehova ang imo mga kabudlayan kag ginabatyag. Buligan ka niya nga mangin maisog. (Isa 41:10, 13) Kon isa ikaw ka ginikanan kag nag-untat sa pag-alagad kay Jehova ang imo bata, dumduma nga indi mapilit ni Samuel ang iya adulto nga mga anak nga padayon nga mangin matutom kay Jehova. Gintugyan niya ini kay Jehova kag padayon sia nga nangin matutom. Gani, nalipay ang iya Amay sa langit nga si Jehova. Ang imo maayo nga halimbawa posible nga makabulig sa imo bata nga magbalik kay Jehova.

TAN-AWA ANG VIDEO NGA MAGTUON SA ILA​—SAMUEL, DAYON SABTI ANG MASUNOD NGA MGA PAMANGKOT:

• Paano nangin maisog si Samuel sang bata pa sia?

• Paano nangin maisog si Danny?

• Paano nangin maayo nga halimbawa si Samuel bilang isa ka tigulang?

• Paano nangin maayo nga halimbawa ang mga ginikanan ni Danny?