Para mangin abyan ni Jehova, dapat pilion sang mga Bible study ang maayo nga kaupdanan. (Sa 15:1, 4) Ang maayo nga kaupdanan makaimpluwensia sa ila nga himuon ang husto.​—Hul 13:20; lff leksion 48.

Magpakita sing empatiya kon nagabulig sa imo mga Bible study nga likawan ang malain nga kaupdanan. Mahimo nabudlayan sila nga likawan ang ila mga abyan sa kalibutan. Gani, magpakita sang sinsero nga interes sa ila bisan indi ninyo iskedyul sa pagtuon. Puede mo sila i-text, tawgan, ukon bisitahan. Kon nagauswag na ang imo mga Bible study, puede mo sila agdahon sa tipontipon upod sa mga kauturan. Paagi sini, makita nila nga mas madamo ang ila nabaton sangsa nadula sa ila. (Mar 10:29, 30) Malipay ka man nga makita nga nagadaku ang pamilya ni Jehova.

TAN-AWA ANG VIDEO NGA BULIGI ANG IMO MGA ESTUDYANTE SA BIBLIA NGA MAGLIKAW SA MALAIN NGA KAUPDANAN, DAYON SABTI ANG MASUNOD NGA MGA PAMANGKOT:

• Ano ang malain nga kaupdanan?​—1Co 15:33

• Ano ang ginaimadyin ni Jade nga ginahimo sang mga Saksi sa ila tipontipon?

• Paano ginbuligan ni Neeta si Jade nga makakita sang maayo nga kaupdanan?