Sa Marso 23, mga 12 ka milyon ukon sobra pa ang ginapaabot nga magatambong nga bisita sa Memoryal. Mapanaksihan gid sila samtang ginabinagbinag sang humalambal ang regalo ni Jehova nga gawad kag ang pila ka pagpakamaayo sa katawhan sa palaabuton! (Isa 11:6-9; 35:5, 6; 65:21-23; Ju 3:16) Pero indi lamang ang humalambal ang makapanaksi sa sining pinasahi nga okasyon. Tanan kita makapanaksi paagi sa pag-abiabi sa aton mga bisita. (Ro 15:7) Yari ang pila ka panugda.

• Sa baylo nga magpungko lang kag maghulat sa pagsugod sang programa, abiabiha ang mga bisita kag indi aktibo paagi sa pagyuhum kag pagtamyaw sa ila

• Bisan pa ginahatagan mo sing pinasahi nga atension ang imo mga kilala nga gin-agda, mangin alisto sa pag-abiabi sa iban nga nagkadto bangod nakabaton sila sing imbitasyon. Tupari sa pulungkuan ang mga bag-uhan, kag ipaambit sa ila ang imo Biblia kag libro sang ambahanon

• Sa tapos sang pamulongpulong, hatagi sing tion nga masabat ang ila mga pamangkot. Kon limitado lang ang oras bangod may kongregasyon nga maggamit sang tilipunan, maghimo sing kahimusan nga bisitahan sia sa sulod sang pila ka adlaw. Kon wala ka sing impormasyon para makontak sia, mahimo ka magsiling: “Gusto ko mahibaluan kon ano ang masiling mo parte sa programa. Paano ko ikaw makontak?”