Sang ari si Jesus sa duta, nagpakita sia sang daku nga gugma sa mga tawo, ilabi na sa mga pigado kag mga nagaantos. (Mateo 9:36) Ginhatag pa gani niya ang iya kabuhi para sa mga tawo. (Mateo 20:28; Juan 15:13) Sa indi madugay, pamatud-an niya liwat ang iya gugma sa mga tawo paagi sa paggamit sang iya awtoridad kag gahom bilang Hari sang Ginharian sang Dios para dulaon ang kapigaduhon sa bug-os nga duta.

 Kanami sang ginsiling sang Biblia parte sa himuon ni Jesus:

•   “Pangapinan niya ang kubos sa tunga sang katawhan, luwason niya ang mga anak sang imol.”—Salmo 72:4.

 Paano naton mapakita nga nagapasalamat kita sa tanan nga ginhimo ni Jesus kag sa pagahimuon niya para sa aton? Sa Lucas 22:19, ginsilingan ni Jesus ang iya mga sumulunod nga dumdumon ang iya kamatayon. Amo nga kada tuig, sa anibersaryo sang iya kamatayon, ang mga Saksi ni Jehova nagatipon. Ginaagda ka namon nga mag-upod sa amon sa pagsaulog sang Memoryal sang kamatayon ni Jesus sa Domingo, Marso 24, 2024.

Mangita sing Memoryal