Matan-aw mo ang mga video kag puede mo ini ma-pause, ma-rewind, ma-fast forward, ukon ma-skip. Magtan-aw sang isa lang ka video ukon sang tanan nga video sa isa ka kategoriya ukon collection.

(Note: Ang imo remote control mahimo lain ang hitsura sangsa Siri nga remote control sa sini nga tutorial.)

•  Pagpangita kag Pagtan-aw sang Video

•  Pagkontrol sang Video

•  Pagtan-aw sang Pinakabag-o Ukon Featured Video

 I-click ang Video Categories sa navigation sa ibabaw nayon sang home screen para makita mo ang available nga kategoriya sang video.

• Sa imo Siri Remote, i-swipe ang Touch surface para makapili ka sang kategoriya. Ang naka-highlight nga kategoriya mas daku sangsa iban.

• Tum-uka ang Touch surface para mapili ang naka-highlight nga kategoriya.

Ang iban nga video makita sa lainlain nga kategoriya. Halimbawa, ang video nga Ang Sugilanon ni Jonas—Isa ka Leksion sang Kaluoy kag Kaisog makita sa Movies kag The Bible.

I-click ang Shuffle nga option para ma-play sing indi pasunod pero sigesige ang tanan nga video sa sina nga kategoriya.

Ang kada pahina sang kategoriya nagaunod sing madamo nga koleksion. Ang kada raya sang mga video sa kategoriya ginatawag nga collection. Ang ngalan sang collection makita sa ibabaw sang raya.

• I-swipe Up ukon i-swipe Down para makasaylosaylo ka sa lainlain nga collection.

• I-swipe Left ukon i-swipe Right para maka-scroll sang mga video sa isa ka collection.

May duha ka paagi para matan-aw ang mga video sa isa ka koleksion:

• I-click ang Play All nga option para ma-play mo ang tanan nga video sa collection, umpisa sa una nga video.

• I-click ang Shuffle nga option para ma-play sing indi pasunod pero sigesige ang tanan nga video sa sina nga kategoriya.

Note: Mauntat lang ini kon matapos na ang tanan nga video sa collection.

Tum-uka ang Touch surface para ma-select ang video kag para maggua ang Video Details screen.

Magpili sang isa sa masunod:

• Play: Maga-play ang video halin sa umpisa.

•   Play All: Maga-play ang tanan nga video sa collection, nga magasugod sa una nga video. Mauntat lang ini kon matapos na ang tanan nga video sa sina nga collection.

• Resume: Magapadayon ang pag-play sang video kon diin ka anay nag-untat.

Ang raya sa ubos sang Video Details screen magapakita sang iban pa nga video sa nakabukas nga collection. I-swipe Down para mabuksan ang collection kag i-swipe Up para magbalik sa Video Details screen.

Samtang nagaandar ang video, puede mo makontrol ang video paagi sa imo Siri remote:

• Play/Pause: Para mag-pause ang video. Tum-uka liwat ang button para mag-andar naman ang video. Puede mo man tum-ukon ang tunga nga bahin sang Touch surface para mag-play ukon mag-pause.

• Rewind: I-swipe Left samtang naka-pause ang video para magbalik asta sa umpisa sang video. Tum-uka ang Play/Pause button para mag-andar naman ang video.

• Fast Forward: I-swipe Right samtang naka-pause ang video para magkadto ini sa katapusan sang video. Tum-uka ang Play/Pause button para mag-andar naman ang video.

• Skip Forward: Para mag-abanse sing napulo ka segundo ang video, tum-uka ang tuo nga bahin sang Touch surface.

• Kon makita mo ang Skip nga icon sa video progress bar sa ubos sang screen, tum-uka ang Touch surface.

•  Skip Backward: Para mag-atras sing napulo ka segundo ang video, tum-uka ang wala nga bahin sang Touch surface.

• Kon makita mo ang Skip nga icon sa video progress bar sa ubos sang screen, tum-uka ang Touch surface.

• Menu: Para magbalik sa Video Details screen.

Sa home screen sang JW Broadcasting may duha ka espesyal nga collection sang video:

1. Featured: Kon may ara sini, makita diri ang pinili nga mga video, pareho sang mga video nga ginagamit sa miting sa kongregasyon sina nga semana ukon sa family worship.

2. Latest: Ang bag-o gindugang nga mga video.