Matan-aw mo ang mga video kag puede mo ini ma-pause, ma-rewind, ma-fast forward, ukon ma-skip. Magtan-aw sang isa lang ka video ukon sang tanan nga video sa isa ka kategoriya ukon collection.

(Note: Ang remote control sang imo Roku mahimo nga lain ang hitsura sangsa makita sa sini nga tutorial.)

•  Pagpangita kag Pagtan-aw sang Video

•  Pagkontrol sang Video

•  Pagtan-aw sang Pinakabag-o Ukon Featured Video

 I-click ang mga Video Categories sa navigation sa ibabaw nayon sang home screen para makita mo ang available nga mga kategoriya sang video. Tum-uka ang mga arrow sa remote control para makapili ka sang kategoriya. Tum-uka ang OK kon gusto mo tan-awon ang naka-highlight nga kategoriya.

Ang iban nga video makita sa lainlain nga kategoriya. Halimbawa, ang video nga Ang Sugilanon ni Jonas—Isa ka Leksion sang Kaluoy kag Kaisog makita sa Movies kag The Bible.

I-click ang Shuffle nga option para ma-play sing indi pasunod pero sigesige ang tanan nga video sa sina nga kategoriya.

Ang kada pahina sang kategoriya nagaunod sing madamo nga collection. Ang kada raya sang mga video sa kategoriya ginatawag nga collection. Ang ngalan sang collection makita sa ibabaw sang raya.

Gamita ang imo remote control sa pagpili sang collection:

• Up kag Down: Gamita para makasaylosaylo ka sa lainlain nga collection.

• Left kag Right: Gamita para maka-scroll sang mga video sa isa ka collection.

May duha ka paagi para matan-aw ang mga video sa isa ka collection:

• I-click ang Play All nga option para ma-play mo ang tanan nga video sa collection, umpisa sa una nga video.

• I-click ang Shuffle nga option para ma-play sing indi pasunod pero sigesige ang tanan nga video sa sina nga kategoriya.

Note: Mauntat lang ini kon maubos na ang tanan nga video sa collection.

Mag-select sang video para maggua ang Video Details screen. Magpili sing isa sa masunod:

• Resume: Ini nga option makita lang kon wala mo matapos ang pag-play sang isa ka video. Kon pilion mo ini, ang video magapadayon kon diin ini anay nag-untat.

• Play ukon Play From Beginning: Maga-play ang video halin sa umpisa.

•   Play With Subtitles: Makita lang ini nga option kon may subtitle ang ginatan-aw mo nga video. Kon pilion mo ini magua ang subtitle sang imo ginatan-aw kag ang subtitle (kon may ara) sang tanan nga video. Kon indi ka na sang subtitle, pilia ang Play Without Subtitles.

• Play All in the Collection: Maga-play ang tanan nga video sa collection, nga magasugod sa una nga video. Mauntat lang ini kon matapos na ang tanan nga video sa sina nga collection.

Ang raya sa ubos sang Video Details screen magapakita sang iban pa nga video sa nakabukas nga collection. Tum-uka ang Down para mabuksan ang collection kag tum-uka ang Up para magbalik sa Video Details screen.

Samtang nagaandar ang video, puede mo makontrol ang video paagi sa imo remote:

• Play/Pause: Para mag-pause ang video. Tum-uka liwat ang button para mag-andar naman ang video.

• Right: Para mag-abanse sing pila ka segundo ang video. Indi pagbuy-i para magalakat ini sing madasig sa bug-os nga video. Kon makalab-ot ka na sa bahin sang video nga gusto mo tan-awon, tum-uka ang Play ukon OK nga button.

• Fast Forward: Para mag-fast forward ang video. Kon makalab-ot ka na sa bahin sang video nga gusto mo tan-awon, tum-uka ang Play ukon OK nga button.

•  Left: Para magbalik sing pila ka segundo ang video. Indi pagbuy-i para magalakat ini sing madasig paatras. Kon makalab-ot ka na sa bahin sang video nga gusto mo tan-awon, tum-uka ang Play ukon OK nga button.

• Rewind: Para mag-atras sing madasig ang video. Kon makalab-ot ka na sa bahin sang video nga gusto mo tan-awon, tum-uka ang Play ukon OK nga button.

• Back: Para magbalik sa Video Details screen.

Sa home screen sang JW Broadcasting may duha ka espesyal nga collection sang video:

1. Featured: Kon may ara sini, makita diri ang pinili nga mga video, pareho sang mga video nga ginagamit sa miting sa kongregasyon sina nga semana ukon sa family worship.

2. Latest Videos: Ang bag-o gindugang nga mga video.