Vim li cas zoo rau koj qhia siab rau koj niam koj txiv? (Pajlug 23:26) Vim tias Yehauvas tau muab lub luag haujlwm rau nkawd saib xyuas thiab cob qhia koj. (Phau Ntawv Nkauj 127:3, 4) Yuav nyuaj rau nkawd paub pab koj yog tias koj zais koj tej kev nyuaj siab tsis qhia rau nkawd. Nco ntsoov tias cov laus yeej noj ntau dia mov dua thiab twb xub taug txojke no los lawm, yog li lawv yuav pab tau koj txawj ntse ib yam li lawv. Tiamsis yog muaj tej yam uas koj tsis xav qhia nkawd ne, puas txhaum? Yeej tsis txhaum. Tsuav koj tsis txhob dag nkawd xwb.​—Pajlug 3:32.

Yuav ua li cas koj thiaj nrog tau koj niam koj txiv tham? Xaiv ib lub sijhawm kom zoo rau nej los sib tham. Yog tias tsis yoojyim rau koj nrog nkawd tham ces sau ib tsab ntawv rau nkawd thiab qhia tej uas koj xav hais rau nkawd. Ua li yog muaj tej yam uas koj txaj muag tsis xav qhia rau nkawd ne? Nco ntsoov tias koj niam koj txiv tsuas xav pab koj xwb. Yog li, tsis txhob muab nkawd saib zoo li koj tus yeeb ncuab. Yog koj nrog nkawd tham yuav pab tau koj lub neej rau yav pem suab thiab tseem yuav cawm tau koj txojsia mus ib txhis!​—Pajlug 4:10-12.

SAIB ZAJ YEEB YAJ KIAB LUB NEEJ THAUM HLUAS​—KUV YUAV NROG KUV NIAM THIAB KUV TXIV THAM LI CAS? CES TEB COV LUS NUG NO:

• Exethaws thiab Pativ pom tias nkawd yuav tau hloov li cas?

• Peb kawm tau li cas los ntawm Yexus tus qauv?

• Koj niam koj txiv tau ua tej yam twg los qhia tias nkawd hlub koj?

• Nqe Vajlugkub twg pab tau koj nrog koj niam koj txiv tham?