Vim muaj Yexus los qhia thiab los tuag, peb thiaj txais tau ib yam zoo tshaj plaws thaum peb ua kevcai raus dej. Yam ntawd yog los nrog tau Yehauvas sib raug zoo thiab nws thiaj kam mloog peb tej lus thov.​—Phau Ntawv Nkauj 34:15; Yauhas 6:44.

Yuav ua li cas peb thiaj tiv thaiv tau peb txojkev sib raug zoo nrog Yehauvas? Tsis ntev tom qab cov Yixalayees sib cog lus nrog Yehauvas tag, lawv txawm siv mus txua ib tug mlom nyuj los pe. (Khiav Dim 32:7, 8; 1 Kauleethaus 10:7, 11, 14) Peb yuav tsum tsis txhob coj li cov Yixalayees tus yam ntxwv. Ces zoo rau peb xav seb: ‘Thaum peb raug kev sim siab peb yuav ua li cas? Peb tej kev coj noj coj ua puas qhia tias peb saib taus Yehauvas?’ Yog li ntawd, peb txojkev hlub rau Yehauvas yuav pab kom peb mloog nws lus es tsis txhob mus ua tej yam uas nws ntxub.​—Phau Ntawv Nkauj 97:10.

SAIB ZAJ YEEB YAJ KIAB SAIB NTSHIS KOJ TXOJKEV SIB RAUG ZOO NROG YEHAUVAS (KAULAUXAIS 3:5), TOM QAB NTAWD NUG LI NO:

• Txojkev ntshaw luag tug yog li cas?

• Vim li cas peb yuav tsum tsis txhob ua neeg siab hlob, thiab saib tej uas peb ntshaw tsim txiaj dua Vajtswv?

• Kev nkauj kev nraug thiab txojkev pe mlom zoo sib xws li cas?

• Vim li cas cov uas tuav haujlwm hauv lub koom txoos yuav tsum nco ntsoov saib ntshis lawv tus txij nkawm?