Thaum Yexus mus tshaj tawm, nws muab tej uas neeg niaj hnub raug los ua qauv qhia lawv. (Lukas 13:1-5) Hauv koj thaj tsam, xav seb tib neeg nyiam tham txog dab tsi thiab txhawj txog yam twg ces siv yam ntawd los qhia txog Vajtswv lub Nceeg Vaj. Thaum koj nrog lawv tham txog tej xwm txheej phem, kev kub ntxhov, kev nrhiav noj nrhiav haus, kev quav yeeb quav tshuaj los sis lwm yam tag, koj nug tau li no: “Koj puas xav tias yuav muaj ib hnub tej kev phem no yuav dua mus?” los sis koj kuj nug tias “Leej twg thiaj yuav daws tau tej teeb meem no?” Cia lawv teb tag tso, koj mam nyeem ib nqes Vajlugkub rau lawv. Yog lawv nyiam thiab ces tso ib zaj yeeb yaj kiab los sis muab ib phau ntawv hauv Cov Twj Mus Ua Vajtswv Tes Num rau lawv. Yog peb ua li no peb yuav qhia raug lawv siab thiab ua rau txoj xov zoo nrov ncha mus thoob txhua qhov.​—1 Kauleethaus 9:22, 23.

Hauv koj thaj tsam, tib neeg nyiam tham txog dab tsi?