1. Tau hau ntsoov, tau hau ntsoov, kawm koj thiaj hlob tiav!

Vajtswv xav kom peb loj hlob peb thiaj li txawj mus qhia.

Xyaum kam tiag, kom txawj ua Vajtswv tes num thiab,

Vajtswv yuav foom hmoov rau koj.

Txhua tus muaj feem ua Vajtswv tes num.

Txoj haujlwm Yexus ua puag thaum ub.

Tso siab lug rau Vajtswv koj thiaj muaj zog mus,

Txhawb txojkev ncaj ncees ruaj khov.

2. Tau hau ntsoov, tau hau ntsoov mus tshaj tawm txhob ntshai!

Coj txoj xov zoo mus qhia tibneeg txhua xeem thiab txhua haiv.

Qhuas Yehauvas peb tus Vajtswv thiab Huab Tais,

Thaum peb qhia lub tsev rau tsev.

Tej yeeb ncuab phem xav hem kom peb ntxhov.

Txhob thim rov, tshaj rau txhua tus tau hnov

Txoj xov zoo txog Vajtswv lub Nceeg Vaj yuav los.

Qhia qhov tseeb kom nrov ncha deb.

3. Tau hau ntsoov, tau hau ntsoov cia li rov mus xyuas,

Xyaum kom txhua koj thiaj paub, vim muaj haujlwm ntau heev ua.

Cia Vajtswv lub hwj huam txhawb koj tsis tu ncua.

Nrhiav Vajtswv kev xyiv fab thiab.

Hlub cov neeg uas koj siv zog mus nrhiav.

Rau siab qhia, kom rub tau lawv lub siab.

Txhua hnub pab kom lawv paub zoo txog qhov tseeb thiab,

Qhov tseeb thiaj li ci ntsa iab.