Muab Koob Meej Rau Yehauvas
(Phau Ntawv Nkauj 96:8)
1. Kuv tus Vajtswv muaj hwj chim tshaj,
Koj yog tus tsim txhua tsav yam.
Thaum kuv ntsia rau saum lub ntuj ntsuab,
Mus rau tej me nroj tej me tsuag.
Kuv yog leej twg koj tseem nco txog,
Kuv luaj xuab zeb los koj pom.
Koj hlub tib neeg ntiaj teb tshaj plaws,
Koj thiaj li ua zaj ua ntxeev cawm.
(TXAIS)
Kuv tus Vajtswv, thov mloog zaj nkauj kuv hu,
Yehauvas thov mloog kuv hu.
Zaj nkauj no yog kuv hu los qhuas koj xwb,
Koj thiaj yog kuv tus Vajtswv,
Kuv hu tag nrho lub siab ntsws.
2. Kuv tus Vajtswv uas muaj siab ncaj,
Tau teev tiam koj mas zoo tshaj.
Kuv yuav qhia koj ntiaj tog qaum pes,
Xwv luag thiaj paub txog koj lub npe.
Koj tsim nyog kav ib puas tsav yam,
Vim koj lub siab dawb siab dav.
Kuv yuav nco ntsoov koj tej txiaj ntsig,
Kom mus tag ib txhiab tag ib txhis.
(TXAIS)
Kuv tus Vajtswv, thov mloog zaj nkauj kuv hu,
Yehauvas thov mloog kuv hu.
Zaj nkauj no yog kuv hu los qhuas koj xwb,
Koj thiaj yog kuv tus Vajtswv,
Kuv hu tag nrho lub siab ntsws.
3. Kuv tus Vajtswv muaj kev hlub tshua,
Lub ntiaj teb no muaj txhij txhua.
Tsis hais saum roob los hauv hiav txwv,
Puav leej yog koj ua tus tsim xwb.
Koj lub tswv yim thiab kev txawj ntse,
Yeej nyob puv ntia lub ntiaj teb.
Koj tej txuj ci suav tsis txheeb li,
Kuv yuav qhuas koj mus tas ib sim.
(TXAIS)
Kuv tus Vajtswv, thov mloog zaj nkauj kuv hu,
Yehauvas thov mloog kuv hu.
Zaj nkauj no yog kuv hu los qhuas koj xwb,
Koj thiaj yog kuv tus Vajtswv,
Kuv hu tag nrho lub siab ntsws.
(Rho ntawm Pnk. 96:1-10; 148:3, 7.)
