Zaj Kawm 16

Koj Txiav Txim Siab Los Tiam Vajtswv

Koj yuav tau ua dabtsi thiaj ua tau Vajtswv tus phoojywg? (1, 2)

Koj ua cas qhia tias koj muab koj tus kheej cog rau Vajtswv? (1)

Thaum twg koj yuav tsum tau ua kevcai raus dej? (2)

Koj yuav ua li cas thiaj nce zog nyob nrog nraim ntawm Vajtswv? (3)

1. Los ua Vajtswv ib tug phoojywg, koj yuav tsum kawm kom paub zoo txog qhov tseeb hauv phau Vajlugkub (1 Ti-mautes 2:3, 4), cog kev ntseeg rau tej koj kawm tau (Henplais 11:6), lees lub txim rau koj tej kev txhaum (Haujlwm 17:30, 31, NW ), thiab tig koj lub neej rov qab los. (Haujlwm 3:19) Ces koj txojkev hlub uas koj muaj rau Vajtswv yuav txhawb koj tus kheej los cog rau nws. Qhov no pes tau tias koj tus kheej, yuav tau thov Vajtswv tias koj muab koj tus kheej rau nws ua raws nws lub siab nyiam.​—Mathais 16:24; 22:37, NW.

2. Tom qab koj tau cog lus rau Vajtswv tag lawm, koj yuav tsum tau ua kevcai raus dej. (Mathais 28:19, 20, NW ) Kevcai raus dej qhia rau txhua tus paub tias koj tau muab koj tus kheej cog rau Yehau-vas. Yog li ntawd kevcai raus dej tsuas yog rau cov hlob teeb uas paub txiav txim los tiam Vajtswv. Thaum ib tug neeg ua kevcai raus dej, nws lub cev yuav tsum raus ploj tagnrho ib pliag rau hauv dej. *​—Malakaus 1:9, 10; Haujlwm 8:36.

3. Tom qab uas koj muab koj tus kheej cog lus tas lawm, Yehau-vas xav kom koj ua raws nkaus li koj tau cog tseg. (Phau Nkauj 50:14; Da-viv tus tub tej lus qhia 5:4, 5, NW ) Ntxwg Nyoog yuav sim cheem kom koj tso tseg tsis txhob tiam Yehau-vas. (1 Petus 5:8) Tab sis txav los ze ntawm Vajtswv rau txojkev thov. (Filipis 4:6, 7) Kawm nws Lo Lus txhua hnub. (Phau Nkauj 1:1-3, NW ) Nyob npuab ze lub koom txoos. (Henplais 13:17) Yog ua txhua yam raws li no, koj yuav tau txais lub zog los nrog nraim rau Vajtswv. Mus ib txhiab ib txhis koj yuav ua tau li tej yam Vajtswv xav kom koj ua!

[Cov lus hauv qab taw qhia]