“Vajtswv hlub ntiajteb kawg li nws thiaj pub nws tib leej Tub los kom txhua tus uas ntseeg leej Tub ntawd thiaj tsis puam tsuaj tiamsis yuav tau txojsia ib txhis tsis kawg.”​—Yauhas 3:16

Ua li cas koj ho paub tias Vajtswv hlub koj?

• Ntawv Nkauj 91:2

  Yehauvas yog peb qhov chaw nkaum. Nws nplig peb thaum peb muaj kev nyuaj siab.

• Ntawv Nkauj 37:29

  Nws pab kom peb muaj kev cia siab rau yav tom hauv ntej.

• 1 Timaute 6:12, 19

  Vajtswv yuav muab txojsia ib txhis tsis kawg rau peb. Hauv lub vaj kaj siab peb yuav nyob kaj siab lug thiab tsis muaj mob muaj nkeeg li lawm.

“Koj yuav tsum hlub [Yehauvas] uas yog koj tus Vajtswv kawg siab kawg ntsws, thiab kawg koj lub tswvyim.”​—Mathai 22:37

Koj yuav tsum hlub Vajtswv li cas?

• Luka 17:12-17

  Ris Yehauvas txiaj ntsig rau txhua yam.

• Mathai 7:16-20

  Peb tes haujlwm yuav tsum qhia tias peb hlub Vajtswv tiag.

• 1 Yauhas 5:3

  Ua raws li Vajtswv tej lus sam hwm.

• 1 Timaute 6:18

  Kub siab lug pab lwm tus.

“Nyob hauv Vajtswv txojkev hlub.”​—Yuda 21

Yuav ua li cas koj thiaj muaj kev sib raug zoo nrog Yehauvas?

• 1 Thexalaunika 5:17

  Thov Vajtswv tsis tu ncua.

• Mathai 28:19, 20; 2 Timaute 4:2

  Tshaj tawm txoj xov zoo txog lub Nceeg Vaj.

• Paj Lug 2:1-5

  Kawm ntxiv txog Yehauvas.

• Henplais 10:24, 25

  Tuaj kev sib txoos tsis tu ncua. Cov kwvtij nkauj muam yuav pab koj nyob ruaj hauv Yehauvas txojkev hlub.