Phau Vajlugkub qhia peb tias muaj tej plig coob heev. Yehauvas tus kheej kiag kuj yog ib tug plig.​—Yauhas 4:24; 2 Khaulee 3:17, 18.

Puag thaum ub tsuas muaj Yehauvas tib leeg xwb. Ces nws mam li tsim cov plig uas hu ua cov tubtxib saum ntuj. Lawv muaj hwjchim tshaj thiab ntse tshaj tibneeg. Yehauvas tau tsim cov tubtxib saum ntuj coob heev; Vajtswv tus tub qhe Daniyee tau ua yog toog pom ib puas plhom tus tubtxib saum ntuj.​—Daniyee 7:10; Henplais 1:7.

Vajtswv xub tsim cov tubtxib saum ntuj ua ntej nws tsim lub ntiajteb. (Yauj 38:4-7) Cov tubtxib saum ntuj ntawd tsis muaj ib tug yog cov neeg uas tau nyob thiab tuag hauv lub ntiajteb no.