Phau Vajlugkub Qhia Li Cas?
Puas yog peb nyob “tiam kawg” lawm?
Koj xav li cas?
Yog
Tsis Yog
Tej zaum
Phau Vajlugkub qhia li no
“Tiam kawg yuav yog lub sijhawm txom nyem nyuaj siab kawg.” (2 Timaute 3:1) Phau Vajlugkub tej lus faj lem thiab tej uas peb pom tshwm sim niaj hnub no qhia tias peb nyob “tiam kawg” lawm tiag.
Phau Vajlugkub qhia li cas ntxiv?
Tiam kawg yuav muaj kev tsov kev rog, kev tshaib kev nqhis, av qeeg, thiab ntau yam kab mob kev nkeeg.
—Mathai 24:3, 7; Luka 21:11. Cov tibneeg nyob tiam kawg yuav tsis txawj sib hlub, ua phem ua qias thiab kev ntseeg yuav tsuag zuj zus mus.
—2 Timaute 3:2-5.
Yav tom hauv ntej yuav zoo li cas?
Ib txhia xav tias . . . thaum txog hnub kawg lub ntiajteb thiab txhua tus uas nyob hauv ntiajteb yuav raug rhuav tshem. Lwm cov cia siab tias yuav zoo zuj zus tuaj. Koj xav li cas?
Phau Vajlugkub qhia li no
“Cov ncaj ncees yuav tau lub tebchaws [ntiajteb] ua lawv teej lawv tug, thiab tau nyob rau hauv mus ib txhis.”
Phau Vajlugkub qhia li cas ntxiv?
Thaum txog hnub kawg, Vajtswv yuav rhuav tshem txhua txojkev limhiam.
—1 Yauhas 2:17. Lub ntiajteb yuav ua ib lub vaj kaj siab.
—Yaxaya 35:1, 6.
Tej Yam No Yuav Pab Tau Koj Thiab
ESSENTIAL BIBLE TEACHINGS
Vajtswv Tsim Lub Ntiajteb Ua Dabtsi?
Vajtswv tsim lub ntiajteb tshwj xeeb heev. Vajtswv teeb lub ntiajteb nyob tsis deb tsis ze ntawm lub hnub thiab cia lub ntiajteb kiv tau kom haum nkaus. Vajtswv tsim lub hli pab kom lub ntiajteb txawj qaij. Vim li cas Vajtswv tsim lub ntiajteb zoo ua luaj?
