Phau Vajlugkub qhia tias Vajtswv Yehauvas tsis yog tus tsim kev txom nyem rau tibneeg. Vajtswv yeej tsis xav kom tibneeg raug kev txom nyem kiag li. Tiamsis vim thawj nkawm niam txiv hu ua Adas thiab Evas tawm tsam Vajtswv txojkev kav, noob neej thiaj nyob txom nyem ntsuav. Nkawd xav txeeb ua tus tswv, xav txiav txim seb qhovtwg zoo qhovtwg phem.

 Niaj hnub no, peb tabtom raug lub txim txhaum los ntawm qhov uas Adas thiab Evas tsis mloog Vajtswv lus. Yog li ntawd, Vajtswv yeej tsis yog tus tsim tej kev txom nyem rau peb kiag li.

 Phau Vajlugkub hais tias: “Yog tej kev sim siab ntawd ua rau nws yuam kev ua txhaum, nws tsis txhob hais tias, “Yog Vajtswv sim kuv.” Rau qhov tej kev phem ntxias tsis tau Vajtswv, thiab Vajtswv yeej tsis sim leejtwg siab li.” (Yakaunpaus 1:13) Peb txhua tus yeej raug kev txom nyem txawm yog tus uas Vajtswv txaus siab los kuj raug ib yam nkaus thiab.