Ua Kev Cai Nco Txog Yexus
Hnub 6 (Saturday), lub 4 Hlis tim 12 xyoo 2025
Txhua xyoo, Yehauvas Cov Tim Khawv tuaj sib sau ua ke, ua kev cai nco txog Yexus txoj kev tuag li nws tau sam hwm tseg tias: “Cia li ua li no kom nej nco ntsoov kuv.”—Lukas 22:19.
Peb nqua hu nej tuaj koom peb.
Tej Uas Coob Tus Nug Txog
Kev sib txoos no ntev npaum li cas?
Tsuas ntev li ib txoos teev xwb.
Yuav ua rau qhov twg?
Nrog Yehauvas Cov Tim Khawv ib tug tham seb yuav ua nyob ze koj rau qhov twg.
Kuv puas tau them nyiaj yog kuv tuaj koom?
Tsis them.
Puas sau nyiaj?
Tsis sau.
Yuav hnav tsoos tsho li cas tuaj koom?
Peb yeej tsis qhia tias yuav hnav li cas rau li cas, tiam sis Yehauvas Cov Tim Khawv ua raws li Vajtswv Txoj Lus qhia kom hnav tej tsoos tsho raug ntsej raug muag. (1 Timautes 2:9) Tsis tas yuav hnav tej tsoos tsho kim kim.
Hmo ua kev cai nco txog Yexus yuav zoo li cas?
Thaum tuaj sib txoos ua ke ntawd, yuav hu ib zaj nkauj ua ntej ces ib tug yuav los thov Vajtswv. Tom qab ntawd, muaj ib tug yuav los tham ib zaj lus qhuab qhia uas piav txog seb Yexus txoj kev tuag tseem ceeb npaum li cas thiab tej uas Vajtswv thiab Yexus nkawd tau ua rau peb ho pab tau peb li cas. Thaum xaus, yuav hu ib zaj nkauj thiab thov Vajtswv dua.
Yog xav paub ntxiv, mus saib zaj hu ua “Vim Li Cas Yehauvas Cov Tim Khawv Ua Tus Tswv Pluas Hmo Txawv Ntawm Lwm Cov Kev Ntseeg?”
Tom ntej no, yuav ua kev cai nco txog Yexus thaum twg?
2025: Hnub 6 (Saturday), lub 4 Hlis tim 12
2026: Hnub 4 (Thursday), lub 4 Hlis tim 2
Tej Yam No Yuav Pab Tau Koj Thiab
UA KEVCAI NCO TXOG YEXUS
Ua Kevcai Nco Txog Yexus Txojkev Tuag
Txhua txhua xyoo Yehauvas Cov Timkhawv yeej ua kevcai nco txog Yexus txojkev tuag li nws tau hais tseg. Koj yuav nkag siab seb Yexus txojkev tuag muaj nqes npaum li cas rau koj.
ESSENTIAL BIBLE TEACHINGS
Vim Li Cas Yexus Thiaj Tuag?
Tej zaum koj twb hnov lawm tias nws pub nws txojsia ua nqe txhiv neeg coob coob. Ua li, ib tug neeg xwb puas txhiv tau qas txhiab qas vam leej neeg?